قەرارگای ڕەمەزان
| قەرارگاە ڕەمەزان | |
|---|---|
| Active | ۱٩٨٩-۱٩٨٣ |
| وڵات | ئێران |
| دڵسۆزی | ھێزە چەکدارەکانی کۆماری ئیسلامیی ئێران |
| لق | سپای پاسدارانی شۆڕشی ئیسلامی |
| جۆر | ئۆپەراسیونی تایبەت |
| ڕۆڵ | شەڕی کاربڵاو |
| قەبارە | قەرارگا |
| بەشێکە لە | ھێزی وشکانیی سپای پاسداران |
| بنکە | تاران |
| شەڕەکان | شەڕی ئێران و عێراق |
| فەرماندەکان | |
| Notable commanders | مورتەزا ڕەزایی محەممەدباقر زولقەدر ئەحمەد کازمی |
قەرارگای ڕەمەزان تەنیا قەرارگای سپای پاسدارانی شۆڕشی ئیسلامی لە دەرەوەی ئێران لە سەردەمی شەڕی ئێران و عێراق بوو، کە ئامانجی سەرەکیی ئۆپراسیونەکانی شەڕی کاربڵاو، چریکی و پارتیزانی لە خاکی باشووری کوردستان و وڵاتی عێراق و بە ھاوکاریی ھێزەکانی کوردی باشووری کوردستان بوو.[١] پلانی دامەزراندنی بنکەیەکی سپای پاسداران لە دەرەوەی ئێران لەلایەن موحسین ڕەزایی پێشنیار کرا و لە مانگی گوڵانی ١٩٨٣ بەدوای پەسەندکران لەلایەن لێژنەی باڵای بەرگری بە شێوەیەکی فەرمی دامەزرا. قەرارگای ڕەمەزان بنکەی فەرمیی سپای پاسداران بۆ شەڕەکانی کاربڵاو لە ئۆپەراسیونەکانی دەرەوەی ئێران بوو. عەلی خامنەیی کە ئەو کاتە سەرۆک کۆمار و بۆیە سەرۆکی لێژنەی باڵای بەرگری بوو، مورتەزا ڕەزاییی وەکوو یەکەمین فەرماندەری قەرارگای ڕەمەزان دانا.[٢] قەرارگای ڕەمەزان کە وەکوو ناوکێکی ناوەندی بۆ دامەزراندنی ھێزی قودس بە ئەژمار دێت، ڕۆڵێکی ھەرە گرینگێکی لە تەیار و تەکووزکردن و بەڕێوەبردنی ھێزە چەکدارە عێراقییەکانی بەرھەڵستکاری سەددام حوسێن لەوانە لەشکەری ٩ی بەدر ھەبووە.[٣]
یەکەکانی قەرارگای ڕەمەزان بریتی لە لەشکەری ٩ی بەدر بە فەرماندەریی ئیسماعیل دەقایەقی و دواتر محەممەدڕەزا نەقدی، لەشکەری ٦ی تایبەتی پاسداران بە فەرماندەریی سادق مەحسوولی، تیپی ۶۶ی ھەوابورد بە فەرماندەریی موحسین شەفەق، تیپی زەفەر و تیپی ئەبووزەر بە فەرماندەریی محەممەدڕەزا حەکیم جەوادی بوو.[٢]
بە دوای مردنی ڕووحوڵڵا خومەینی و دەستپێکبوونی ڕێبەریی عەلی خامنەیی، گۆڕانکارییەکانێک لەنێوی قەرارگای ڕەمەزان بەدیھێنرا و ناوەکەیش گۆڕا بە ھێزی قودس.[٢]
سەرچاوەکان
[دەستکاری]- ^ ھەواڵنێریی بەرگریی پیرۆز: لە ئۆپەراسیونە چریکییەکان ھەتا ھاوکاری لەگەڵ بەرھەڵستکارە عێراقییەکان لە قەرارگای دەرەوەی سنووری ڕەمەزان (بە فارسی)، نووسراو لە ٧ی حوزەیرانی ٢٠١٦؛ ئەرشیڤکراو لە ٢٦ی کانوونی دووەمی ٢٠٢١؛ سەردان لە ٨ی حوزەیرانی ٢٠٢٣.
- ^ ئ ا ب ئیندەپندەنت: قەرارگای ڕەمەزان؛ پرۆژەیەک کە داھاتووی خامنەییی گۆڕاندەوە (بە فارسی)، نووسراو لە ٨ی شوباتی ٢٠٢٠؛ ئەرشیڤکراو لە ٢٦ی ئایاری ٢٠٢٢؛ سەردان لە ٨ی حوزەیرانی ٢٠٢٣.
- ^ بی‌بی‌سی: ئیرج مەسجدی کییە و بۆچی ئەمریکا تەحریمی کردی؟ (بە فارسی)، نووسراو لە ١٥ی کانوونی دووەمی ٢٠٢٠؛ ئەرشیڤکراو لە ١٢ی شوباتی ٢٠٢٣؛ سەردان لە ٨ی حوزەیرانی ٢٠٢٣.