فۆبی

لە ئایینی یۆنانی کۆن و میتۆلۆژیای یۆنانیدا، فۆبی (بە ئینگلیزی: Phoebe)، یەکێک بوو لە نەوەی یەکەمی تایتانیەکان کە یەک کۆمەڵە کوڕ و کچەکانی ئۆرانۆس و گایا بوون. داپیرەی خوداوەندی خۆر ئەپۆلۆ و خوداوەندی مانگ ئارتمیس و خوداوەندی جادووگەری هێکاتە. بەپێی ئەفسانە، ئەو خاوەنی ڕەسەنی فاڵچی ی دێلفی بووە پێش ئەوەی بە دیاری بیدات بە ئەپۆلۆی نەوەکەی. ناوەکەی کە بە واتای "گەشاوە" دێت، هەروەها بە ژمارەیەک خوداوەندی مانگی وەک ئارتمیس و دواتر خوداوەندە ڕۆمانییەکانی لونا و دیانا دراوە، بەڵام فۆبی خۆی وەک خوداوەندی مانگ لەسەر خۆی لە ئەفسانەی کۆندا چالاکانە مامەڵەی لەگەڵ نەکراوە.