عەبدوڵڵا حاجی مەحموود
عەبدولڵا مەحموود محەممەد (لەدایکبووی ١٩٧٠) ناوی تەواو ( عبدالله محمود محمد سان احمد ) لە دایكبووی ساڵی ۱۹۷٠ لە گوندی گوڵەخانە سەر بە ناحیەی خورماڵ ، لەوەتەی ١٠ی تەمووزی ٢٠١٩، لەسەر پشکی حیزبی سۆسیالیست دیموکراتی کوردستان لە نۆیەمین کابینەی حکوومەتی ھەرێمی کوردستان بووەتە وەزیری شەھیدان و ئەنفالکراوان. بەرلەوەی ببێتە وەزیر، عەبدولڵا حاجی مەحموود ئەندام پەرلەمانی کوردستان بووە لە خوولی سێیەم و چوارەمی پەرلەمانی کوردستان لەماوەی ساڵانی ٢٠٠٩ بۆ ٢٠١٨.
عبدالله حاجی محمود لە پەرلەمان نوێنەری ( پێشمەرگە و كشتوكاڵ ) بووە ، بەرپرسی پێشووی دەستەی کارگێری مەکتەبی سیاسی حیزبی سۆسیالیست دیموکراتی کوردستان بوو. پاشان لە كۆنگرەی ٥ بووە جێگری سەرۆكی پارتی سۆسیال دیموکراتی کوردستان. ھەروەھا سەرۆکی یانەی وەرزشی بەختیارییە. بڕواننامەی ئامادەیی ھەیە.[١]
عەبدوڵڵا حاجی مەحموود بەدوای ناکۆکییەک لەگەڵ محەممەد حاجی مەحموود کە لە ١٤ی کانوونی دووەمی ٢٠٢٤ دەستێپێکرا، لە حیزبی سۆسیالیست دیموکراتی کوردستان جیا بۆیەوە و دواتر ( بزووتنەوەی سۆسیالیستی كوردستانی عیراق )ی زیندووكردەوە كە ئەم بزووتنەوەیە مێژوەكەی دەگەڕێتەوە بۆ ساڵی ۱۹۷٦ ، و لە ١٩ی تشرینی یەکەمی ٢٠٢٤ وەزارەتی ناوخۆی حکومەتی ھەرێمی کوردستان، بەناوی بزووتنەوەی سۆسیالیستی کوردستانی عێراق مۆڵەتى بە حزبەکە دا.[٢] [٣]
ئەمەش ببینە
[دەستکاری]سەرچاوەکان
[دەستکاری]- ↑ پڕۆفایلی عەبدولڵا مەحموود محەممەد ٣٠ی ئابی ٢٠١٩ لە وەیبەک مەشین، ئەرشیڤ کراوە.، ماڵپەڕی حکوومەت ھەرێمی کوردستان، ٢٤ی تەمموزی ٢٠١٩ ھێنراوە.
- ↑ کەناڵ8: حیزبەکەى عەبدوڵاى حاجى مەحمود مۆڵەتى کارکردنى وەرگرت، نووسراو لە ١٩ی تشرینی یەکەمی ٢٠٢٤؛ سەردان لە ٨ی تشرینی دووەمی ٢٠٢٤.
- ↑ دەزگای میدیایی کەرکووک: وەزارەتی ناوخۆی ھەرێم مۆڵەتی بە حزبەکەی عەبدوڵای حاجی مەحمود بەخشی، نووسراو لە ١٩ی تشرینی یەکەمی ٢٠٢٤؛ ٢٣ی کانوونی دووەمی ٢٠٢٥ لە وەیبەک مەشین، ئەرشیڤ کراوە. سەردان لە ٨ی تشرینی دووەمی ٢٠٢٤.
 | ئەم ژیاننامە وتارە کۆلکەیەکە. دەتوانیت بە فراوانکردنی یارمەتیی ویکیپیدیا بدەیت. |