شێخ ملا عبدالقادر نەقشبەندی

خواناسی پیرۆزی ریگە عیرفان و تەریقەتی نەقشبەندی ، مورشید و ڕابەری شەرع زان و زانا بەیەکتا پەرستی و خواناسی و خوا ویستی ، حەزرەتی شێخ مەلا عبدالقادر نەقشبەندی پیر خضری چەمپاراو .

ناوی تەواوی:

شێخ مەلا عبدالقادر نەقشبەندی پیر خضری چەمپاراوە ، کوڕی سەیید محمد ، کوڕی سەیید ئەحمەد ، کوڕی سەیید مصطفى ، لە نەوەى مامۆستا سەیید حسنە ، کە مەزاری پیرۆزی لاى مەزاری (پیرمەسورە) لە گەڕەکی (حاجی حان) شاری سلێمانی. لە ساداتی پیر خضری شاهۆیە ، لە نەوەى حەزرەتی ئیمام (رضا)ی مەشهەدە.

نازناوی:

نازناوى عیرفان و تەریقەتی (شاهی سیف الدین)ە .

لەدایکبووی : رۆژی چوارممە   21/5/1862 – زاینی ، 10/12/1352- کۆچی ،   31/2/1313 – هەتاوی . شاری سولەیمانی عێراق ، گەڕەکی مەڵکەندی .

بنەماڵەکەی:

  ئەم بنەماڵە پیرۆزە دەگەنەوە بە مامۆستا مەلا سەیید حەسەن کە لە (حاجی تەکیە)ی قەیوانەوە هاتونەتە شارى سولەیمانی ، وە دەچنەوە لە نەسەبا بۆ حەزرەتی ئیمام (رضا)ی مەشهەد.

تەسەووف و عیرفانی:

ڕابەرو مورشیدی گەورەی دیاری رێبازی پیرۆزی نەقشبەندی.

ئەولادەکانی:

شێخ عز الدین ، شێخ شمس الدین ، شێخ محمد عمر ( لە زەمانی خۆیدا کۆچی دوایی کردووە) ، شێخ فخر الدین ، ( لە زەمانی خۆیدا کۆچی دوایی کردووە) ، حەلاوە خان ، رەحمە خان ، زەینەب خان ، شەمسە خان ، نەجیبە خان .

زانست و خوێندنی:

    سەرەتا لە ساڵی 1872 – زاینی ، دەستی بە خوێندن کردووە ، لە خزمەت مامۆستا مەلا رەسوڵی پلآوخۆر لە مزگەوتی حاجی حان ، پاشان لە خزمەت حەزرەتی کاک ئەحمەدی شێخ لە مزگەوتی گەورەی سولەیمانی ، پاشان لە خزمەت شێخ مستەفا ناسراو بە موفتی بەرزنجی ، وە لە خزمەت مامۆستا مەلا ئەحمەدی نۆدشی ، وە لە خزمەت مامۆستا مەلا شێخ عبدالقادری موهاجیر .

   پاشان دەچێتە کۆیە لە خزمەت مامۆستا مەلا عبدالله ی جەلی زادە لە ساڵی 1878- زاینی ، وە لە خزمەت مامۆستا مەلا عبدالله جەلی زادە بڕوانامەى زانستی وەردەگرێت لە ساڵی 1884 – زاینی.

تەسەووف و تەریقەتی:

   لەدواى تەواوکردنی زانستی ئیسلامی ، روودەکاتە مورشیدی گەورەو پەروەردەکاری بێ وێنە ، قوتبی گەورەو خاوەن بەرەکات حەزەرتی شێخ عمر ضیاءالدین نەقشبەندی بیارە، لە دواى 7 ساڵ سەیرو سلوک و تەواو کردنی پلەکانی عیرفان و تەریقەتی نەقشبەندی .   لە رۆژی شەممە :  15/8/1891 – زاینی بڕوانامەى ئیرشاد لە تەریقەتی نەقشبەندی پێدەبەخشێت. وە ئەمری پێدە فەرمووێ کە بچێتە ناوچەی (شارباژێڕ) لە پارێزگای سولەیمانی ، وە لە ساڵی 1894 – زاینی، دەست دەکات بە دروست کردنی خانەقاو مەدرەسەی دینی لە ناوچەکەو ، ئیرشادو پەروەردەى موسوڵمانان لەسەر مەنهەجی پاکی ئیسلام و تەریقەتی نەقشبەندی، وەک مورشید و ڕابەرێکی بێ وێنەو بە ئیخلآس و بە توانا خەریک دەبێت ، تا ساڵی 1924- زاینی، ڕوو لە کوردستانی رۆژهەلآت دەکات و دەچێتە گوندی چەمپاراو لە ناوچەی شاری بانە ، لەوێش خانەقاو مەدرەسەی دینی دروست دەکات ، چەمپاراو دەکاتە مەرکەزی عیلم و عیرفان و پەروەردەى رۆحی موریدان ، چراخانی چەمپاراو روناکی بەخش دەبێت بۆ کوردستانی ئێران و عێراق .

چەند فەرموودەیەکی شاهی سیف الدین

1.     هەر کەس چێژی خۆشەویستی خواى لەدڵدا بێت دڵی ئاودێر دەبێت .

2.    گەیشتن بە خوا دورییەکەى بەپێی نابڕێت ، بەڵکو بە دڵ ئەبڕێت .

3.    ئینسان هەر کات خواى ناسی خۆشی ئەوێت ، وە کە خۆشی ویست روو ئەکاتە خوا .

4.     بە دڵ هەمیشە لە خزمەت خوادا بن .

5.    دڵتان لە غەیر چوڵ کەن ، بەخوا ناسی و نەهێنی پڕی کەن .

6.   زاناو عالمی بێ وەرع وەک چرایە خۆی ئەسوتێنێ و روناکی دەدات بەو شوێنە .

7.    نەمزانیوە هیچ هەڵەیەک ناشرینتر بێت لە وازهێنان لە زیکری خوا.

8.    بزانن کە زیکرو یادی خوا هۆکارە بۆ لابردنی خەفەت ، کرانەوەى دەرگاى خۆشی و نەمانی ناخۆشی و گەیشتن بە مەبەست.

9.    هەر کەس دڵ و دەروونی خاوێن بێت زبانیشی راست و پاک دەبێت .

وەفاتی:

   فەوتی حەزرەتی شێخ مەلا عبدالقادر نەقشبەندی پیر خضری چەمپاراوی  لە رۆژی دووشەممە 26/3/1934- زاینی ، 10/12/1352 – کۆچی لە گوندی چەمپاراوی سەر بە شاری بانەى کوردستانی رۆژهەلآت لە حوجرەى نزدیک بە خانەقای خۆی بە خاک سپێردراوە ، کاتژمێر : 6 ی ئێوارە