سوورییەکان لە لوبنان

لە ئینسایکڵۆپیدیای ئازادی ویکیپیدیاوە
باز بدە بۆ: ڕێدۆزی، گەڕان
سووریەکان لە لوبنان
ژمارەی سەرجەمی دانیشتووان
١، ١٩٦، ٥٦٠ مەزندەکراوە (نیسانی ٢٠١٥)
١، ٠١١، ٣٦٦ تۆمارکراوە (کانونی یەکەمی ٢٠١٦)
ناوچەکان بە ژمارەی دانیشتوانی بەرچاو
بەیرووت (بەیرووتی گەورەتر)، تەرابلوس، سیدۆن، بەلبێک
زمانەکان

عەرەبی، کوردی

ئایین

سوننی و مەسیحی

سووریەکان لە لوبنان ئاماژەیەکە بۆ ئاوارە سووریە کارەکەرەکان و ئاوارە سووریەکان کە چوون بۆ لوبنان لەماوەی شەڕی ناوخۆیی سووریا.

بنەچە[دەستکاری]

لەدوای کۆتایی بیست و نۆ ساڵی داگیرکردنی سووری لوبنان لە ٢٠٠٥، چەندەھا سووری ئاوارە بوون بۆ لوبنان بۆ دۆزینەوەی کار و ژیانێکی باشتر. ئەم کرێکارانە بێڕێزییان بەرامبەر کرا لەلایەن خەڵکی لوبنانی و حوکومەتی لوبنانی. بەھەرحاڵ، بەھۆی ئەنجامی شەڕی ناوخۆیی سووریا لەنێوان حوکومەتی بەشار ئەسەد و گرووپە چەکداریەکان، ئاوارەکان چوونەتە لوبنان بە ھەزارەھا. ئەم لێشاوی ئاوارەیە کە چۆتە لوبنان بۆتە ھۆی زیادی دانیشتوانی کامپەکان و شارەکان وە گرژی دروست کردووە لەنێوان خەڵکانی لوبنانی و پەنابەرە سووریەکان.

ژمارەکانی پەنابەرە سوورییەکان[دەستکاری]

بەگوێرەی UNHCR زیاتر لە ١ میلیۆن ئاوارەی سووری ھەبوون لە لوبنان کە تۆمارکرابوون لە ٢٠١٦. لەگەڵ ئەوەش دا، ئەم ژمارەیە بەزۆری کەم حیسابیی بۆ کراوە کاتێک کە UNHCR دەستی کرد بە وەستاندنی تۆمارکردنی ئاوارە سووریە نوێیەکان لەوەتەی مانگی ئایاری ٢٠١٥ وە ئەو تاکە کەسانە پیشان نادات کە ڕاوەستاون بۆ خۆتۆمارکردن. لەبەر ئەوە ھەندێک ژمارە و سەرژمێری خەڵکی سووری لە لوبنان ڕاست نیە بەتەواوەتی. خەملاندن و سەرژمێرییە دوواییەکان بەرزبون بۆ ١، ٥٠٠، ٠٠٠ کەس.

لە تشرینی یەکەمی ساڵی ٢٠١٥ ڕۆژنامەی سووری سەربەخۆ زەمان ئەل وەسل ئاماژەی بەوە کرد کە ١٢٥، ٠٠٠ بۆ ١٥٠، ٠٠٠ ئاوارەی سووری تورکومانی، کە دەربازبوونە لە شەڕی ناوخۆیی سووریا، جێگیر بوونە لە لوبنان، وە لەبەر ئەوە ئەوان زیاترن لەتورکە کەمینەکانی لوبنان.

زەحمەتیەکان[دەستکاری]

حوکومەتی لوبنانی دەرگای کراوە بووە لەبۆ ئاوارە سووریەکان بە مێژوویی؛ بەڵام، UNHCR دەڵێت کە حوکومەتی لوبنانی ھەرگیز ڕێکەوتنی پەنابەرانی ١٩٥١ ی ئیمزا نەکردوە کە کە دەڵێت پەنابەر دەپارێزدرێت ئەوانەی کە بە بنچینەیی دەگەڕێنەوە "بۆ سنوری ناوچەکە کە ژیانی یان ئازادی حاشای لێدەکرێت لەبەر یەکێک لە ھۆکارەکان "ڕەگەزی" "دینی" "نەتەوەی" "ئەندامێکی گرووپێکی کۆمەڵایەتی" "ئەندامێکی بۆچونێکی/گرووپێکی سیاسی." بۆیە ھیچ یاسایەکی نیشتمانی بوونی نیە کە لوبنان دەبێت بەگوێی بکات بۆ مامەڵە کردن لەگەڵ ئاوارەکان، ئەمە وایشیکرد کە حوکومەتی لوبنان ھیچ کامپێک بۆ ئاوارەکان دروست نەکات. ئەو ئاوارانەی کەوا ئیش و کاریان پێ ئەنجام دەدرێت دەبێت لەگەڵ خەڵکە ھەژارەکەی لوبنان پێشبڕکێ بکەن بۆ دۆزینەوەی ھیچ تەنھا نزمترین کارە ھەژارەکان بۆ ئەوەی پارە بکەن و کار بکەن، کە ئەمە وایکردووە زیان بدات لە ژێرخانی ئابووری لوبنان. منداڵانی سوورییە پەنابەرەکان دەبێت قوتابخانە تاقیبکەنەوە، کە ھەرئێستا پڕە لە منداڵانی لوبنانی.

گرژیەکانی نێوان لوبنانیەکان و پەنابەرەکان[دەستکاری]

ھەروەک ژمارەی سووریەکان لە لوبنان زیادی کردووە، گرژیشی ھەیە؛ بەگوێرەی ئاوارەیەکی سووری:"یەکەم جار کە من ھاتم، خەڵکی لوبنانی میواندۆست بوون بەرامبەر بە من و منیان وەک ئاوارەیەک مامەڵە پێدەکرد و ڕادەگرت، وەکو کەسێک کە پێویستی بە پارێزییە و ڕۆیشتووە لە شەڕێک. ئێستا، ئەوان مامەڵەم لەگەڵ دەکەن وەک ئەوەی ھەڕەشە بم بۆ سەر باری ئەمنی." لێشاوی سووریەکان بۆ لوبنان بۆتە ئامانجی گرژی لە ئابووری، سیاسی، کۆمەڵایەتی، دینی، لە لوبنان. لەدوای ھێرشەکان بۆ سەر پۆلیس و ئەندامە سەربازیەکان لەلایەن گووپە سووریە ئیسلامیە توندڕەوەکان، ھاتوچۆ قەدەغە کراوە لە چەند ناوچەیەک لە ھەندێک شار و گوند بۆ ئەوەی سەلامەتی خەڵکی بپارێزدرێت. چەندەھا خەڵکی لوبنانی دەترسن لەوەی لە ئەگەری بڵاوبوونەوەی شەڕی ناوخۆی سووریا لە لوبنان، بەتایبەتی لەدوای گرووپە سووریە سوننە توندڕەوەکان چەند سەربازێکی لوبنانیان کوشت لە ئابی ٢٠١٤ لە شەڕی عەرسال.

ھەروەھا ببینە[دەستکاری]

سەرچاوەکان[دەستکاری]