سلندەری هەوایی

لە ئینسایکڵۆپیدیای ئازادی ویکیپیدیاوە
Jump to navigation Jump to search
هێڵکاری سلندەری تاکرەفتار.دەکرێت سپرینگەکە لە دەرەوەی سلندەرەکە بێت ئەگەر بە شتێکەوە بەسترابێتەوە.
هێڵکاری کارکردنی سلندەری جووتڕەفتار
وێنەی سێ دووری کارکردنی سلندەر.
سیمبولی نەخشەیی  بۆ سلندەری ھەوایی بە گەرانوەی سپرینگ

سلندەری هەوایی

ئامێری میکانیکین کە توانای گازی پەستێنراو بەکاردێنن بۆ دروستکردنی هێزێک کە ببێتە هۆی دروستکردنی جوڵەی هێڵی.

وەک سلندەری هایدرۆلیکی، شتێک پیستنەکە بەرەو ئاراستەیەکی دیاریکراو دەبات. پیستن( دیسکێکە یان سلندەرێکە)، میلی پیستنەکە هێزەکە دەگوازێتەوە و وا لە تەنەکە دەکات کە بجوڵێت. ئەندازیارەکان حەز بەوە دەکەن زیاتر سلندەری هەوایی بەکاربێنن ، چونکە بێدەنگترن و خاوێنترن و پێویستیان بە شوێنی هەڵگرتنی شلە نیە.

لەبەرئەوەی شلەی ئیشپێکەر گازە، دزەکردن لە سلندەری هەوایی دڵۆپە ناکات و دەوروبەرەکەی پیس ناکات. سلندەری هەوایی زیاتر بایەخی پێدەدرێ کاتێک خاوێنی لە کارەکە داواکراوە و پێویستە. بۆ نمونە لە "دیزنی" بوکە سەماکەرە میکانیکەکان لەم جۆرەن. هەواییەکان قەدەغەی دزەکردنی شلە دەکەن بۆ خەڵکەکە.


جۆرەکانی[دەستکاری]

هەرچەندە سلندەری هەوایی جۆراوجۆرن لە ڕوکار و قەبارە و ئەرک بەڵام دەکرێنە یەک بوارەوە. سەرەڕای ئەوەش ژمارەیەکی زۆر لە سلندەری هەوایی بەردەستە کە هەریەکە لە جۆرەکانی ئەرکی تایبەتی خۆی بەجێدەگەیەنێت.

سلندەری دوانەیی[دەستکاری]

سلندەری دوانەیی ‘’ DAC’’  هێزی هەوا بەکاردێن  بۆ درێژکردن و کورتکردنەوەی هەنگاوەکان ، دوو کونیان تێدایە بۆ هەواگۆڕكێکردن، یەکیان بۆ هەنگاوی دەرەوە و یەکیان بۆ هەنگاوی ناوەوە، درێژی هەنگاوەکە دیاریکراو نییە. هەرچەندە میلی پیستنەکە زیاتر ئەگەری چەمانەوەی هەیە. هەروەها پێویستە کاری زیادکراو هەژماربکرێت.

تەلیسکۆپی سلندەری فرەئاست[دەستکاری]

سلندەری هەوایی ٨ ئاستی سلندەری تاک ریز، شکێندراوە و نقووم کراوە.

تەلیسکۆپی سلندەری دەکرێت دوانە یان تاک کار بکات، تەلیسکۆپی سلندەری یەکدەگرێت لەگەڵ میلی پیستن کە دانراوە لە زنجیرەیەک ئاستی بەتاڵ کە هەریەکەیان تیرەی گەورەترە لەوەیتر. لە سەروو خستنەگەڕ، میلی پیستنەکە و هەر ئاستێکی بەرزەوەبوو "تەلیسکۆپەکان" وەک پارچە پیستن دانراون.

سودی سەرەکی ئەم دیزاینە ئەوەیە کە رێگە بە هەنگاوی درێژتر دەدات وەک ئەوەی ئەوەی کە بە سلندەری یەک ئاست دەکرێت بەهەمان درێژی پەستێوراو. یەک رێگر لە تەلیسکۆپی سلندەری ئەوەیە زۆری ویستی نوشتانەوەی تەلیسکۆپەکەیە بەهۆی زۆری پارچەکانی، بەم شێوەیە دەگەینە ئەو ئەنجامەی کە تەلیسکۆپی سلندەری لەو جۆرە کارانە بەکاردێن کە رووبەرووی کەمترین قورسایی دەبنەوە.

پەستانی سەر میلەکان[دەستکاری]

بەهۆی ئەوەی کە زۆربەی هێزەکان لەسەر سلندەرەکان کاردەکەن و زۆرترین قورسایی دەخەنە سەر میلی سلندەرەکە ، بۆیە پێویستە میلەکان وا دیزاین بکرێن کە بەرگەی ئەو قورساییە بگرن لە چەمانەوە و پەستان و گرژبوون. بەپێی درێژی میلی پیستنەکە پەستانەکان هەژمار دەکرێن. ئەگەر درێژی میلەکە کەمتر بوو لە ١٠ هێندەی تیرەکە ئەوا وەک تەنێکی رەق مامەڵەی لەگەڵ دەکرێت کە هەردوو هێزی پەستان و گرژبوون لەخۆدەگرێت.

پەیوەندیەکەش بەم جۆرەیە :


کاتێک:

 F : هێزەکەیە، پەستانەوە و گرژبوون

A : رووبەری یەکتربرینی میلی پیستنەکە

: پەستانەکەیە

درێژی میلەکە ١٠ هێندەی تیرەکە دەبێت، بۆیە میلەکە پێویستە وەک ستوونێک مامەڵەی لەگەڵ بکرێت و هەژماری چەمانەوەش بکرێت.

هەنگاوی ناوەکی و دەرەکی[دەستکاری]

هەرچەندە تیرەی پیستنەکە و ئەو هێزەی بەکاردێت لەلایەن سلندەرەکە بەیەکەوە پەیوەستن، بەڵام راستەوخۆ هاوڕێژە نین لەگەڵ یەکتر. پەیوەندی نموونەیی بیرکاریانەی نێوان دوو نرخ کە بە هەوا کاربکەن ، پەیوەندیەکی خەملێنراو دەبێت. کەمبونەوەی رووبەری پارچەیی کەم دەکرێتەوە بە کاریگەری رووبەری میلی پیستنەکە، هێزی هەنگاوی ناوەوە کەمترە لە هێزی هەنگاوی دەرەوە کاتێک هەردووکیان هەمان توانایان پێ بە خشراوە بە هەمان بڕی گازی پەستێنراو.

پەیوەندی نێوان هێز و نیوەتیرە و پەستان بەم هاوکێشەیە دەردەبڕێت:

کاتێک:

هێز پەستان

رووبەری پارچەیەکی دیاریکراو کاریگەری ئەو ھێزەی دەکەوێتە سەر

هەنگاوی دەرەوە[دەستکاری]

هاوکێشەی دابەشکردنی قورسایی سەر   دەکرێ بە رووبەری پیستنەکە جێگەی بگیرێتەوە کاتێک پەستان بوونی هەبێت .

کاتێک:

بەرەنجامی هێزەکان

نیوەتیرەی پیستنەکە 

پای کە بە نزیکەیی یەکسانە بە ٣.١٤

هەنگاوی ناوەکی[دەستکاری]

لە هەنگاوی ناوەوە هەمان پەیوەندی هێز و پەستانی هەنگاوی دەرەوە بەکاردێت، ئەگەر رووبەرە پارچەییەکە کەمتر بێت لە رووبەری پیستنەکە پەیوەندی نێوان هێز و پەستان و نیوەتیرەکە جیاواز دەبێت. هەرچەندە هەژمارکردنەکە زۆریش گران نیە، رووبەری رووی پارچەییەکە کە لەسەر رووی پیستنەکەیە کەمی رووبەری پارچەیی میلی پیستنەکە دەکرێت.

بۆ هەنگاوی ناوەوە، پەیوەندی لە نێوان ‌هێز و پەستان و نیوەتیرەی پیستنەکە و نیوەتیرەی میلی پیستنەکە، بەم شێوەیە دەبێت:

کاتێک:

بەرەنجامی هێزەکان

نیوەتیرەی پیستنەکە 

نیوەتیرەی میلی پیستنەکە

پای کە بە نزیکەیی یەکسانە بە ٣.١٤