خۆشبژیوی

لە ئینسایکڵۆپیدیای ئازادی ویکیپیدیاوە
Jump to navigation Jump to search

خۆشبژیوی بارودۆخ یا ھەلومەرجی ساز و تەیار بوونی پێداویستییەکانی ژیان و زیندوومانەوەیە.[١] زاراوەکە لە پلەی یەکەمدا لە بواری سیاسەتدا بەکار ئەچێ و ھەروا کە لە پێناسەکەیدا ھاتووە زۆر لە نزیکەوە بەستراوە بە چەمکی پێداویستییەوە. بۆ ئەوەی خۆشبژیویی تاکێک یا کۆمەڵێک زیاتر بێتەوە ئەبێ دابینکردنی پێداویستییەکانی ژیان بۆ ئەو تاکە یا بۆ ئەو کۆمەڵە ئاسانتر بکرێتەوە. لێرەدا مەبەست لە پێداویستی تەنیا پێداویستییەکانی زیندوومانەوە نییە، بەڵکوو داگری ئەوانەشە کە بۆ ژیانێکی ماقووڵانە و لەبار لە نێو کۆمەڵگادا زەروورن. واتە نە تەنیا کەمترین ڕادەی داھات بۆ دابینکردنی خواردەمەنی و خۆپۆشتەکردن، بەڵکوو ھەروەھا ماڵ و پەروەردە و چارەسەریی پزیشکی و ھەلی کاریش. لە درێژەی سەدەی بیستەم و بەتایبەت لە وڵاتانی پێشکەوتوودا، بەرەبەرە ڕۆڵی دەوڵەت لە دابینی خۆشبژیویدا زۆرتر بۆتەوە (دەوڵەتی خۆشبژیوی ببینە).[٢]

سەرچاوەکان[دەستکاری]

  1. ^ لە فەرھەنگی زانستگای کوردستاندا بۆ خۆشبژیو نووسراوە «پڕوپۆشتە، کۆک، ساز و تەیار». ھەروەھا لە فەرھەنگی ڕیشەی وشەی کوردیی عەلی نانەوازادەدا بۆ بژیو نووسراوە «ئەوەندە داھات و خواردەمەنییەک کە مرۆڤ یا گیاندار بۆ زیندوومانەوە و ژیان پێویستی پێیەتی». بە دانانی ئەمانە لە پاڵ یەک مانای وشەی خۆشبژیوی ڕوون ئەبێتەوە.
  2. ^ "Welfare, Sociology Of Welfare". www.encyclopedia.com.