حەوت کانی
![حەوت کانی](http://upload.wikimedia.org/wikipedia/commons/thumb/5/50/%D8%AD%DB%95%D9%88%D8%AA_%DA%A9%D8%A7%D9%86%DB%8C.jpg/220px-%D8%AD%DB%95%D9%88%D8%AA_%DA%A9%D8%A7%D9%86%DB%8C.jpg)
حەوت کانی ناوی سەیرانگایەکی شاری نەغەدەیە لە پارێزگای ورمێ لە ڕۆژهەڵاتی کوردستان کە لە ٣ کیلۆمەتری باشووری ڕۆژئاوای شاری نەغەدە و لە بەشی ڕۆژهەڵاتی چیای سوڵتان یەعقووب هەڵکەوتووە.
ئەم کانییە لەتەنیشت کانیاوێکی کێوییە کە ئاو لە ٧ شوێنەوە لەڕێگای بەشی باکووریی شاخەکە دەڕژێت و کانییەکی جوان دروست دەکات. دەوترێت لە ڕابردوودا تامی ئاوی هەریەکێک لەم ٧ کانییە جیاواز بووە لە کانییەکەی تر و خوێ و ماددەی کانزاییی تایبەتیان هەبووە. [١]
لە خوارەوەی بەشی باکووریی شاخەکەدا حەوزێک بە شێوەی گۆزە چا کراوە و ئاوی ئەم کانیاوانە لەم حەوزەدا کۆ دەبێتەوە. لەم حەوزەدا ماسیی جۆراوجۆریش هەیە کە خەڵکی شارەکە لەنێو حەوزەکەیان هاویشتووە. لە دەوروبەری گۆمەکەدا، لاشەقام، گیا و گوڵی جۆراوجۆری لێیە و داری چنار یەکێک لە جۆرەکانی داری ئەم پارکەیە.
تایبەتمەندییەکان
[دەستکاری]![حەوت کانی](http://upload.wikimedia.org/wikipedia/commons/thumb/f/f5/%D8%AD%DB%95%D9%88%D8%AA_%DA%A9%D8%A7%D9%86%DB%8C%D8%8C_%D9%86%DB%95%D8%BA%DB%95%D8%AF%DB%95.jpg/166px-%D8%AD%DB%95%D9%88%D8%AA_%DA%A9%D8%A7%D9%86%DB%8C%D8%8C_%D9%86%DB%95%D8%BA%DB%95%D8%AF%DB%95.jpg)
تایبەتمەندییەکانی ئەم سەیرانگایە بریتین لە: ئاوی خواردنەوە، شاری کایە، ٧ کانیاو، گۆمی ئاو، شوێنی سەوزایی، خزمەتگوزاری، دامەزراوەی پزیشکی، تەندروستی و وەرزشی، وچانگە (شوێنی پشوودان)، خواردنگە و چێشتخانە و شوێنی ڕاگرتنی ماشێن. [٢]
هەروەها لە ڕۆژانی بەفراویی زستاندا خەڵک بۆ خۆشی و سەیران و خلیسکێن لەسەر بەفر دێنە شاخی حەوت کانی. [٣]
![حەوت کانی](http://upload.wikimedia.org/wikipedia/commons/thumb/c/c8/%D8%B3%DB%95%DB%8C%D8%B1%D8%A7%D9%86%DA%AF%DB%95%DB%8C_%D8%AD%DB%95%D9%88%D8%AA_%DA%A9%D8%A7%D9%86%DB%8C%D8%8C_%D9%86%DB%95%D8%BA%DB%95%D8%AF%DB%95.jpg/166px-%D8%B3%DB%95%DB%8C%D8%B1%D8%A7%D9%86%DA%AF%DB%95%DB%8C_%D8%AD%DB%95%D9%88%D8%AA_%DA%A9%D8%A7%D9%86%DB%8C%D8%8C_%D9%86%DB%95%D8%BA%DB%95%D8%AF%DB%95.jpg)
سەرچاوەکان
[دەستکاری]