زستان

درەختێکی داپۆشراو بە بەفر لە پۆڵەندا

زستان یەکێکە لە چوار وەرزەکەی ساڵ و لە دوای پاییز دێت، لەم وەرزەدا شەو درێژ دەبێت و ڕۆژ کورت دەبێتەوە. ئەم وەرزە بە ساردی و سەرما جیادەکرێتەوە. وەرزی بارینی باران و بەفر و ھەڵکردنی ڕەشەبای سارد و زریانە، و ھەندێک ناوچە بەفرێکی زۆری لێ دەبارێت بە ڕادەیەک خانوو و ماڵەکان دیار نامێنن وەکوو ناچەکانی حاجی ئۆمەران و سیدەکان، ھەر لەم وەرزەدا باڵندەکان کۆچ دەکەن لە وڵاتێکەوە بۆ وڵاتێکی تر بۆ دوورکەوتنەوە لە زستان، و زۆربەی ئاژەکان وەکوو ورچ بۆ ماوەیەکی زۆر واتە بەدرێژایی وەرزی زستان دەخەون و مت دەبن. ئەم وەرزە لە ٢٢ی کانوونی یەکەم دەست پێدەکات و لە ٢١ی ئازار بە کۆتا دێت.

وەرزەکانی ساڵ
بەھار	ھاوین	پاییز	زستان