بیوڵێنت ئیناڵ
بیوڵێنت ئیناڵ | |
|---|---|
| لەدایکبوون | ١٩ی ئایاری ١٩٧٣ ئۆرڤا - تورکیا |
| نیشتەجێی | ئیستەنبوڵ |
| نەتەوە | تورک |
| پەروەردە | بەشی شانۆ |
| پیشە | ئەکتەر |
| ھاوسەر | میلیۆس تویزۆس |
| مناڵ(ەکان) | چنار ئیناڵ |
بیوڵێنت ئیناڵ ئەکتەرێکی لێھاتووی تورکە، لە رۆژی ١٩ی مایسی ١٩٧٣ لە شاری ئۆرڤا لە دایک بووە. دایکی پەرستاری نەخۆشخانە بووەو باوکیشی فارمانبەربووە لە فەرمانگەی پۆستەو گەیاندن. لەساڵی ١٩٨٦ باوکی کۆچی دوایی دەکات و ئیناڵ لەتەمەنی ١٣ ساڵیدا بە ھەتیووی دەمێنێتەوە. سێھەم مناڵی خێزانەکەیەتی، خوشکێک و برایەکی لەخۆی گەورەتر ھەیە. لەدوای تەواو کردنی قۆناغی ئامادەیی. پەیوەندی دەکات بە زانکۆی ئەجە، بەڵام بەھۆی بێزاربوونییەوە لە پاش ساڵێک واز دەھێنێت و پەیوەندی دەکات بە زانکۆی ٩ی ئەیلوول و دەچێتە بەشی شانۆ. لەدوای ٣ ساڵ ئەو بەشە بەسەرکەوتوویی تەواو دەکات. پاشان پەیوەندی دەکات بەگروپی شانۆیی گروپی رۆژئاوای یوجەل، کە گروپێکی سادەیەو باری ئابوریان باش نەبووە، بەڵام لە پاش ماوەیەک ئەو گروپە چالاک دەبن...
پاشان لە زنجیرەی (ساڵە بەھەدەرچووەکان) بەشداری دەکات و بەتەواوی لە ناو خەڵکدا دەناسرێت... ئەم ھونەرمەندە پاش عاشق بوونی بە ھونەرمەند بەرەن سات، بەڵام بەھۆی کێشە لە نێوانیاندا لە ھاوینی ساڵی ٢٠٠٨ دا بە تەواوی ئەو پەیوەندییەیان نامێنێت. لە ساڵی ٢٠١١ لەگەڵ خاتوو (میلیۆس تویزۆس) ژیانی ھاوسەری پێکدەھێنێت و کوڕێکیان ھەیە بەناوی (چنار). لە ناو خەڵکدا بە ئەکتەرە ھێمن و لەسەرخۆکە ناسراوە.. ئەم ئەکتەرە لە چەندین فیلم و زنجیرەی دراماییدا بەشداری کردووە.
فیلمەکان[دەستکاری]
- ماسی - ٢٠١٣
- منداڵێکی تری دراوسێیەتی -٢٠٠٨
- لەچاوەڕوانی بەھەشتدا - ٢٠٠٥
- رێگای خۆشەویستی - ٢٠٠٥
- چیرۆکی خۆشەویستی - ٢٠٠٤
- ڤیزۆنتێل توبا - ٢٠٠٣
- لێرەوە - ٢٠٠١
- زەوییەکی تەسک - ٢٠٠١
- کەشتیوان - ١٩٩٨
زنجیرە دراماکان[دەستکاری]
- پایتەختی عەبدولحەمید ٢٠١٧
- کۆتا داستان ٢٠١٧
- باوکم و خێزانەکەی ٢٠١٦
- Urfalıyam Ezelden ٢٠١٤
- تاتار ڕەمەزان - ٢٠١٣
- منداڵەکەم خۆشویست - ٢٠١٢
- گۆرانی بێ کۆتایی - ٢٠١٠
- ئەم دڵەم لەبیرکردووە؟ - ٢٠٠٩
- پیاوێکی بێ دڵ - ٢٠٠٨
- پێشبڕکێ - ٢٠٠٨
- ساڵە بەھەدەرچووەکان - ٢٠٠٥
- برینی فیشەک - ٢٠٠٣
- ئازاد - ٢٠٠٢
- شانازی و ئازار - ٢٠٠٢
- ئەوانەی لەتاریکی رائەکەن - ٢٠٠١
- گومانی ئازا - ٢٠٠١
- وریای منداڵەکە بە - ٢٠٠٠
