بیاتریک متیتوا

لە ئینسایکڵۆپیدیای ئازادی ویکیپیدیاوە
Jump to navigation Jump to search
بیاتریک متیتوا
بیاتریک لە ساڵی ٢٠١٤.
نەتەوەزیمبابوی
دەرچوویزانکۆی بۆتسوانا و سوازیلاند
پیشەپارێزەر
ناوبانگچالاکوانی مافەکانی مرۆڤ
خەڵاتەکانخەڵاتی ئازادی ڕۆژنامەوانی نێودەوڵەتی (٢٠٠٥)
خەڵاتی ئازایەتی ژنانی نێودەوڵەتی (٢٠١٤)

بیاتریک متیتوا چالاکوان و پارێزەری مافەکانی ڕۆژنامەنووسان و ئازادی ڕادەربڕینە لە زیمبابوی. لە ساڵی ٢٠٠٨، نیویۆرک تایمز بەیەکێک لە دیارترین پارێزەرانی ڕۆژنامەنووسانی جیھانی دیاریکرد.[١] لە ساڵی ٢٠٠٥، خەڵاتی ئازادی ڕۆژنامەوانی نێودەوڵەتی وەرگرت.[٢] لە ئازاری ٢٠١٤، لەلایەن حکوومەتی ئەمریکا خەڵاتی ئازایەتی ژنانی نێودەوڵەتی پێدرا.[٣]

پارێزەری ڕۆژنامەنووسان[دەستکاری]

متیتوا بڕواننامەی پارێزەری لە ساڵی ١٩٨١ لە زانکۆی بۆتسوانا و سوازیلاند بەدەستھێنا، دواتر بۆ ماوەی دوو ساڵ کاری لە دادگای سوازیلاند دەکرد. لە ساڵی ١٩٨٣ دەچێتە زیمبابوی، دواتر لە ساڵی ١٩٨٩ دەبێتە پسپۆڕ لە مافەکانی مرۆڤ.[٤] بیاتریک ناوبانگی پەیاکرد بە بەرگریکردن لە ڕۆژنامەنووسە دەستگیرکراوە لۆکالی و بیانییەکان.[٥] لە ساڵی ٢٠٠٣، بڕیاری دادگای بردەوە لەسەر ڕێگریکردن لە ناردنەوەی پەیامنێری دەزگای گاردیان ئەندرێو مێلدروم، ئەمەش کاتێک چەند خوولەکێک بەر لە دەرچوونی لە زیمبابوبی پۆلیس ڕێگریان لێکردبوو.[٦] ھەروەھا کەیسی ھەریەکە لە ڕۆژنامەنووسان تۆبی ھارندن و جولیان سایمۆندسی بردەوە کە لەدەزگای سەندەی تەلەگرافی لەندەن ھاتبوون بۆ ڕووماڵی ھەڵبژاردنی پەرلەمانی ٢٠٠٥، بەبێ مۆڵەتی دەوڵەت. لە نیسانی ٢٠٠٨، کەیسێکی دیکەی بردەوە لە ئازادکردنی پەیامنێری نیویۆرک تایمز، باری بارەک کەبەھەمان ھۆکار دەستگیر کرابوو.[٧] بیاتریک چەند کەیسێکی دیکەشی بردەوە بۆ ڕۆژنامەنووسە ناوخۆییەکانی وڵاتەکەی، کە لەکاتی ھەڵبژاردنەکانی سەرۆکایەتی زیمبابوی لە ساڵی ٢٠٠٨ دەستگیرکرابوون.[٨]

دەستگیرکردن[دەستکاری]

لە ساڵی ٢٠١٣، دەستگیرکرا بەتۆمەتی شوفێریکردن لەکاتی سەرخۆشیدا، دوای سێ کاتژمێر ئازادکرا، بەڵام بیاتریک ھەواڵی ئەوەی دا کە لەبنکەی پۆلیس بەتووندی لێیدراوە. ھەربۆیە بۆ ماوەی دوو ڕۆژ دوای ڕووداوەکە، نەیدەتوانی قسەبکات. لە ڕۆژی سێیەمدا، بەکۆمەڵێک بەڵگەی پزیشکییەوە سکاڵای لەدژی ئەفسەرە پۆلیسەکان تۆمارکرد.[٩] لە ساڵی ٢٠٠٧، جارێکی دیکە لەلایەن پۆلیسەوە ھێرشی دەکرێتە سەر، کە لە خۆی و سێ ھاوڕێی دەدرێت لەکاتی ئەنجامدانی گردبوونەوەیەکی ناڕەزایی لەسەر بێزارکردنی پارێزەرانی زیمبابوی.[١٠][١١]

سەرچاوەکان[دەستکاری]

  1. ^ Barry Bearak (2008). "In Zimbabwe Jail: A Reporter's Ordeal". The New York Times. لە ڕێکەوتی ٠٢ی حوزەیرانی ٢٠١١ ھێنراوە. 
  2. ^ "IPFA 2005 - Beatrice Mtetwa". Committee to Protect Journalists. 2005. لە ڕەسەنەوە ئەرشیڤ کراوە لە 3 June 2011. لە ڕێکەوتی ٠٢ی حوزەیرانی ٢٠١١ ھێنراوە. 
  3. ^ "US Honors International Women of Courage". Voice of America. 4 March 2014. لە ڕێکەوتی ٠٥ی ئازاری ٢٠١٤ ھێنراوە. 
  4. ^ "Mtetwa Wins 2010 International Human Rights Award". American Bar Association Section of Litigation. 2010. لە ڕەسەنەوە ئەرشیڤ کراوە لە ٢٠ی ئەیلوولی ٢٠١٦. لە ڕێکەوتی ٠٢ی حوزەیرانی ٢٠١١ ھێنراوە. 
  5. ^ "IPFA 2005 - Beatrice Mtetwa". Committee to Protect Journalists. 2005. لە ڕەسەنەوە ئەرشیڤ کراوە لە 3 June 2011. لە ڕێکەوتی ٠٢ی حوزەیرانی ٢٠١١ ھێنراوە. 
  6. ^ "Zimbabwe's feisty freedom fighter". BBC News. 18 October 2005. لە ڕێکەوتی ٠٢ی حوزەیرانی ٢٠١١ ھێنراوە. 
  7. ^ Barry Bearak (2008). "In Zimbabwe Jail: A Reporter's Ordeal". The New York Times. لە ڕێکەوتی ٠٢ی حوزەیرانی ٢٠١١ ھێنراوە. 
  8. ^ "CPJ to honor five international journalists". Committee to Protect Journalists. 16 September 2008. لە ڕەسەنەوە ئەرشیڤ کراوە لە 3 June 2011. لە ڕێکەوتی ٠٢ی حوزەیرانی ٢٠١١ ھێنراوە. 
  9. ^ "IPFA 2005 - Beatrice Mtetwa". Committee to Protect Journalists. 2005. لە ڕەسەنەوە ئەرشیڤ کراوە لە 3 June 2011. لە ڕێکەوتی ٠٢ی حوزەیرانی ٢٠١١ ھێنراوە. 
  10. ^ "CPJ to honor five international journalists". Committee to Protect Journalists. 16 September 2008. لە ڕەسەنەوە ئەرشیڤ کراوە لە 3 June 2011. لە ڕێکەوتی ٠٢ی حوزەیرانی ٢٠١١ ھێنراوە. 
  11. ^ "Zimbabwe police assault lawyers". BBC News. 8 March 2007. لە ڕێکەوتی ٠٢ی حوزەیرانی ٢٠١١ ھێنراوە.