ئەحمەداباد، ھیندستان
ئەحمەداباد (بە گوجەراتی: Amdavad) پڕ دانیشتووترین شاری ویلایەتی گوجەراتی ھیندستانە. شاری سەرەکی قەزای ئەحمەدئابادە و شوێنی دادگای باڵای گوجاراتە. بەپێی سەرژمێری ساڵی ٢٠١١، شاری ئەحمەدئاباد ژمارەی دانیشتووانی پێنج ملیۆن و ٥٧٠ ھەزار و ٥٨٥ کەسە، بەمەش پێنجەمین شاری زۆرترین دانیشتووانی ھیندستانە.[١] وەک ناوچەی شارنشینی، ژمارەی دانیشتووانی بە ٦٬٣٥٧٬٦٩٣ کەس مەزەندە دەکرێت، بەمەش دەبێتە حەوتەم زۆرترین ژمارەی دانیشتووانی ھیندستان. لە ساڵی ٢٠٢٤ ژمارەی دانیشتووانی شاری ئەحمەدئاباد بە ٨٬٨٥٤٬٤٤٤ کەس مەزەندە دەکرێت.[٢] شارەکە لە نزیک ڕووباری سابارماتییە[٣] و ٢٥ کم لە گاندیناگاری پایتەختی گوجەراتەوە دوورە کە بە شارە دووانەکەی ناسراوە.[٤][٥]
ئەحمەدئاباد بووەتە ناوەندێکی گرنگی ئابووری و پیشەسازی لە ھیندستان. دووەم گەورەترین بەرھەمھێنەری پەتاتەیە لە وڵاتەکەدا، بەمەش نازناوی 'مەنچستری ھیندستان'ی بەدەستھێنا لەگەڵ کانپوور. بۆرسەی ئەحمەدئاباد کە لە ساڵی ٢٠١٨ داخرا، دووەم کۆنترین بۆرسەی ھیندستان بوو. یاری کریکێت لە ئەحمەدئاباد زۆر بەناوبانگە، یاریگای نارێندرا مودی کە تازە دروست کراوە لە مۆتێرا دەتوانێت ١٣٢ ھەزار بینەر لەخۆبگرێت، بەمەش دەبێتە گەورەترین یاریگا لە جیھاندا. سەنتەری وەرزشی سەردار ڤالاببای پاتەل کە ھێشتا لە قۆناغی دروستکردندایە، دەبێتە یەکێک لە گەورەترین ناوەندە وەرزشییەکانی ھیندستان.
ئازادکردنی ئابووری ھیندستان بووەتە ھۆی بەرزبوونەوەی ئابووری ئەحمەدئاباد، بەتایبەتی لە بوارەکانی وەک بازرگانی، پەیوەندی و بیناسازی.[٦] لەگەڵ زیادبوونی ژمارەی دانیشتووانی شاری ئەحمەدئاباد، پیشەسازییەکانی بیناسازی و خانووبەرەش پەرەی سەندووە، ئەمەش بووەتە ھۆی. پەرەسەندنی زۆرێک لە باڵەخانە ھەوابڕەکان[٧]
لە ساڵی ٢٠١٠دا، ئەحمەدئاباد لە ڕیزبەندی سێیەمی لیستی فۆربس بۆ خێراترین شارە گەشەسەندووەکانی ئەو دەیەیەدا بوو.[٨] لە ساڵی ٢٠١٢ ڕۆژنامەی تایمزی ھیندستان ئەحمەدئابادی وەک باشترین شاری ھیندستان بۆ ژیان دەستنیشان کرد،[٩] بەرھەمی ناوخۆیی گشتی ناوچەی میترۆی ئەحمەدئاباد لە ساڵی ٢٠٢٠دا بە ٦٨ ملیار دۆلار خەمڵێندرا، ھەر لەو ساڵەدا ئەحمەدئاباد لە پلەی سێیەمی باشترین شاری ھیندستان بوو.[١٠] لە مانگی تەممووزی ساڵی ٢٠٢٢ گۆڤاری تایم ئەحمەد ئابادی خستە لیستی ٥٠ شوێنی گەورەی جیھانی ساڵی ٢٠٢٢.[١١][١٢]
ئەحمەدئاباد وەک یەکێک لەو سەد شارەی ھیندستان ھەڵبژێردرا کە وەک شارێکی زیرەک لەژێر ئەرکی شارە زیرەکەکانی حکوومەتی ھیندستان پەرەی پێدەدرێت.[١٣] لە مانگی تەممووزی ساڵی ٢٠١٧ شاری مێژوویی ئەحمەدئاباد کە بە ئەحمەدئابادی کۆن ناسراوە، وەک شاری میراتی جیھانیی یوونێسکۆ ناسێندرا.[١٤]
سەرچاوەکان
[دەستکاری]- ^ India's most populated citys https://worldpopulationreview.com/countries/cities/india 3 June 2022 لە وەیبەک مەشین ئەرشیڤ کراوە.
- ^ «Ahmedabad Population 2024». World Population Review.
- ^ «India: States and Major Agglomerations – Population Statistics, Maps, Charts, Weather and Web Information». citypopulation.de. ٢٩ی ئەیلوولی ٢٠١٦. لە ١٧ی کانوونی یەکەمی ٢٠١٤ لە ڕەسەنەکەوە ئەرشیڤ کراوە.
- ^ «Major Agglomerations of the World – Population Statistics and Maps». citypopulation.de. ١ی کانوونی دووەمی ٢٠١٧. لە ٢ی نیسانی ٢٠١٦ لە ڕەسەنەکەوە ئەرشیڤ کراوە.
- ^ «Ahmadabad & Gandhinagar a tale of twin cities». One India One People. ١ی کانوونی یەکەمی ٢٠١٥. لە ١٥ی ئایاری ٢٠٢٣ لە ڕەسەنەکەوە ئەرشیڤ کراوە. لە ١٥ی ئایاری ٢٠٢٣ ھێنراوە.
- ^ Jawaharlal Nehru National Urban Renewal Mission (٢٠٠٦). «Profile of the City Ahmadabad» (PDF). Ahmadabad Municipal Corporation Ahmadabad, Urban Development Authority and CEPT University, Ahmadabad. Ahmadabad Municipal Corporation. لە ڕەسەنەکە (PDF) لە ١٩ی ئابی ٢٠٠٨ ئەرشیڤ کراوە. لە ٢٢ی تەممووزی ٢٠٠٨ ھێنراوە.
- ^ «Ahmadabad joins ITES hot spots». The Times of India. ١٦ی ئابی ٢٠٠٢. لە ڕەسەنەکە لە ٣ی کانوونی دووەمی ٢٠٠٩ ئەرشیڤ کراوە. لە ٣٠ی تەممووزی ٢٠٠٦ ھێنراوە.
- ^ Kotkin، Joel. «In pictures—The Next Decade's fastest growing cities». Forbes. لە ١٤ی تشرینی یەکەمی ٢٠١٠ لە ڕەسەنەکەوە ئەرشیڤ کراوە. لە ١٠ی تەممووزی ٢٠١٠ ھێنراوە.
- ^ «Ahmedabad best city to live in, Pune close second». The Times of India. لە ڕەسەنەکە لە ١٢ی کانوونی یەکەمی ٢٠١١ ئەرشیڤ کراوە. لە ١١ی کانوونی یەکەمی ٢٠١١ ھێنراوە.
- ^ Tiwari، Anuj (٢٢ی تشرینی یەکەمی ٢٠٢١). «Richest Cities Of India». India Times. لە ٨ی تشرینی یەکەمی ٢٠٢٢ لە ڕەسەنەکەوە ئەرشیڤ کراوە. لە ٢٢ی تشرینی یەکەمی ٢٠٢١ ھێنراوە.
The Manchester of East, Ahmedabad, is among the richest cities of India. The city ranks eighth on the list with an estimated GDP of $68 billion.
- ^ «Ahmedabad rated as third best city to live in, moves up by 20 spots in a year». www.timesnownews.com. ٥ی ئازاری ٢٠٢١. لە ٢٤ی حوزەیرانی ٢٠٢١ لە ڕەسەنەکەوە ئەرشیڤ کراوە. لە ٢٠ی حوزەیرانی ٢٠٢١ ھێنراوە.
- ^ «Ahmedabad, India: World's Greatest Places 2022». Time. لە ١٢ی تەممووزی ٢٠٢٢ لە ڕەسەنەکەوە ئەرشیڤ کراوە. لە ١٣ی تەممووزی ٢٠٢٢ ھێنراوە.
- ^ «Government releases list of 20 smart cities». The Times of India. ٢٨ی کانوونی دووەمی ٢٠١٦. لە ٢ی شوباتی ٢٠١٦ لە ڕەسەنەکەوە ئەرشیڤ کراوە. لە ٦ی شوباتی ٢٠١٦ ھێنراوە.
- ^ «600-year-old smart city gets World Heritage tag». The Times of India. ٩ی تەممووزی ٢٠١٧. لە ١٠ی تەممووزی ٢٠١٧ لە ڕەسەنەکەوە ئەرشیڤ کراوە. لە ٩ی تەممووزی ٢٠١٧ ھێنراوە.
