ئەبوو سەعید ئەبوولخەیر

ئەبوو سەعید ئەبوولخەیر
ئەبوو سەعید ئەبوولخەیر
	ابوسعید ابوالخیر
لەدایکبوون	٧ی کانوونی یەکەمی ٩٦٧ ; Miana
مەرگ	١٢ی کانوونی دووەمی ١٠٤٩ (٨١ ساڵ ژیاوە); خۆراسان
گۆڕ	Miana
پیشە	زانای عەقیدە، شاعیر
پلە	murshid

ئەبوو سەعیدی ئەبولخەیر (بە فارسی: ابوسعید ابوالخیر)، (٣٥٧–٤٤٠ی کۆچی) لە عارفان و شاعیرانی ناسراوی فارسە. ئەبووسەعید، ھەم لە بواری خواناسیدا زۆر ناسراوە و لە ڕیزی خواناسانی گەورەی ئیسلامییە و ھەم لە بواری شێعردا دەستێکی بەرزی ھەبوە و لە چوارینە نووسە ناسراوەکانی فارسە.

ژیان

ئەبوو سەعید لە ساڵی ٣٥٧ی کۆچی دا لە شاری میھەنە لە وڵاتی تورکمانستان لە دایک بوە. لە لای باوکی و زانایانی ئەو شارەدا دەرسی خوێندوە. ھەروەھا سەفەرێکی بۆ شاری نەیشابوور کردوە و لەوێدا چاوی بە زانایان و گەورەپیاوانی ئەو شارە کەوتوە. ئەبووسەعید لە دوا ماوەیەک ڕووی لە ڕێبازی سۆفیان کرد و بوو بە یەکێک لە گەورەترین خواناسانی ئەو سەردەمە. لە ساڵی ٤٤٠ی کۆچی دا لە دنیا ماڵاوایی کرد و ھەر لە میھەنەدا نێژرا.

بەرھەمەکان

ئەبوو سەعید بێجگە لە شێعرەکانی ھیچ بەرھەمێکی نووسراوی لە دوا خۆی بە جێ نەھێشت بەڵام ناوی و قسەکانی لە زۆر جێگەی عیرفانی ئیسلامی و ئەدەبی فارسیدا ھەیە.

ئەو بەرھەمانەی پەیوەندیان بە شێخ سەعیدەوە ھەیە بریتین لە:

اسرار توحید فی مقامات شیخ ابی سعید: نووسراوەی محەممەد کوڕی منەووەرە کە لە نەسڵی ئەبووسەعیدە، ئەم کتێبە بە پەخشانی فارسییە و بە سەرھاتەکانی بووسەعیدی تێدایە.
ڕسالە حالات و سخنان شیخ ابوسعید: نووسراوەی ئەبووڕۆح لووتفوڵا کە لە نەسڵی ئەبووسەعیدە
شێعرەکانی ئەبووسەعید کە بە فارسین