نمر ئەلنمر

وێنەیەکی نمر باقر ئەمین ئەلنمر لە ساڵی ٢٠٠٩

نمر باقر ئەمین ئەلنمر لە ساڵی ١٩٥٩ لە شاری عەوامیەی سەر بە پارێزگای قەتیف لە ڕۆژھەڵاتی عەرەبستانی سعوودی لەدایكبووە، زانایەکى ئایینى شیعە ڕێباز بووە ، یەکێک بووە لە کەسایەتیە ئۆپۆزیسیۆنەکانى عەرەبستانی سعوودی دژ بە بنەماڵەى ئال سعوود.

ژیان و ڕامیاری

لە ساڵی ١٩٨٠ چووەتە ئێران بۆ خوێندنى لێکۆلینەوەى ئایینى و نزیکەی ١٠ ساڵ لەوێ‌ ماوەتەوە و دواتر چووەتە سووریا. لەژیانى دا چەندین جار لە لایەن دەسەڵاتدارانى سعوودییە دەستگیرکراوە لە ساڵى (٢٠٠٨ و ٢٠٠٩) و خۆپیشاندانەکانی ساڵی ٢٠١١ ى سعوودیە، شێخ نمر لە گوتارێکیدا داوایکرد، ناوچەی ڕۆژھەڵاتی سعوودیەی زۆرینە شیعەنشین لە سعوودیە جیابکرێتەوە و بە بەحرەینەوە بلکێندرێت،‌ کە شیعە مەزھەبەکان خۆپیشاندانیان دژی دەسەڵاتی بەحرەین تێدا ئەنجامدەدا. ئەلنمر لە مانگی تەممووزى ساڵى ٢٠١١ دەستگیرا، چەند تۆمەتێکی رووبەڕووکرابوونەوە، لەوانە: نانەوەی ئاژاوە، دەرچوون لە فەرمانی وەلی ئەمر، دروستکردنی شانەی تیرۆریستی بۆ کوشتنی کارمەندانی دەزگا ئاسایشەکان لە شارۆچکەی عوامییە لە پارێزگای قەتیفی ڕۆژھەڵاتی سعوودیە.

مردنى

لە ١٥ی تشرینی یەکەم ٢٠١٥دا نمر بەتۆمەتی دەستخستنە نێو کاروباری سعوودیەوە ڕووبەڕووی دادگا کراوەتەوە و دواجار لە ٢ی تشرینی دووەم ٢٠١٦ لە سعوودیە بە تۆمەتی ھاوکاریکردنی تیرۆریستان لەگەڵ ٤٧ کەسی دیکەدا لە سێدارە درا.

کاردانەوەى ھەرێمەى و نێودەوڵەتى کوشتنى

• نەتەوە یەکگرتووەکان
• بەحرەین
• ئێران
  • حوسێن جابر ئەنساری وتەبێژی وەزارەتی دەرەوەی كۆماری ئیسلامی ئێران رایگەیاند، حكومەتی سعودیە پاڵپشتی تیرۆر و توندڕەوان دەكات لەهەمانكاتدا رەخنەگران و بەرهەڵستكارانی ناوخۆ سەركوت دەكات و لەسێدارە دەدات.
• عێراق
• لوبنان
• پاکستان
• یەمەن