زانستگای کوردستان (سنە)

لە ئینسایکڵۆپیدیای ئازادی ویکیپیدیاوە
باز بدە بۆ: ڕێدۆزی، گەڕان

Disambig RTL.svg  ئەم وتارە سەبارەت بە زانستگای کوردستان لە شاری سنە نووسراوە. بۆ بینینی وتارە هاوشێوەکان بڕوانە زانستگای کوردستان (ڕوونکردنەوە).

زانستگای کوردستان (بە ئینگلیزی: University Of Kurdistan) گەورەترین زانستگای پارێزگای کوردستانی ئێران ە کە لە باشووری شاری سنە ھەڵکەوتووە. ساڵی ٢٠٠٧-٢٠٠٨ ی ئاکادێمیک، زانستگای کوردستان پلەی ھەشتەمی لە نێوان زانستگاکانی ئێران دا بە دەست ھێنا کە لە رووی چەندێتی و چۆنێتی چالاکییە تۆژینەوەیییەکانیان دا ریزبەندی کرابوون. ھەروەھا لە ساڵی ئاکادێمیکی ٢٠٠٦ -٢٠٠٧ دا، وەکوو یەکەمین زانستگای ئێران کە زۆرترین گەشەی بووە ریزبەندی کراوە.

مێژوو[دەستکاری]

زانستگای کوردستان، بۆ جاری یەکەم، لە نیوساڵی یەکەمی ساڵی ئاکادێمیکی ١٣٥٣-١٣٥٤ ک.ە (١٩٧٤ ز) بە ناوی یانەی زانستی باڵای سنە گرێدراو بە زانستگای پەروەردەی مامۆستای تاران (بە فارسی: دانشسرای عالی سنندج وابستە بە دانشگاە تربیت معلم تھران)، لە رشتەی مامۆستایی بیرکاری، خوێندکاری وەرگرت. لە نیوساڵی یەکەمی ساڵی ئاکادێمیکی ١٣٥٦-١٣٥٥ ک.ە (١٩٧٥٤ ز)، دوای کەوتنەیەکی لەگەڵ زانستگای رازیی کرماشان، وەکوو یەکێک لە بەشەکانی ئەو زانستگایە، بە ناوی زانستگەی پەروەردەی مامۆستای سنە، جگە لە رشتەی مامۆستایی بیرکاری، لە رشتەگەلی شیمی و زمانی ئینگلیزیشدا خوێندکاری وەرگرت و بەم جۆرە چالاکییە فێرکارییەکانی درێژەپێدا. لە ساڵی ١٣٧٠ ک.ە وەزارەتی فەرھەنگ و خوێندنی باڵای ئەو کاتە، سەربەخۆ کارکردنی ئەو زانستگەیەی لە ژێر ناوی زانستگای کوردستان دا پەسەند کرد. لەو کاتە بە دوا، گەلێک رشتەی جۆربەجۆر بە کۆی رشتەکانی زانستگای کوردستان ئیزافه بووە. زانستگای کوردستان ئێستاکە زیاتر لە ۱۰۰۰۰خوێندکاری ھەیە کە لە زۆرتر له٨٠ رشتە، لە ۷ زانکۆ، بە ٣ شێوەی رۆژانە، شەوانە و نیوە حوزووری خەریکی خوێندنن.

زانکۆکانی زانستگای کوردستان[دەستکاری]

زانستگای کوردستان ئەم حه وت زانکۆیەی خوارەوەی ھەیە:

  • زانکۆی زانستەکان
  • زانکۆی زانسته مرۆڤی و کۆمه ڵایه تیه کان
  • زانکۆی کشت و کاڵ
  • زانکۆی سەرچاوە سروشتییەکان
  • زانکۆی ئەندازیاری
  • زانکۆی وێژه و زمانه بیانیه کان
  • زانکۆی هو نه ر و ئارچیتێکت(معماری)

زانستگاگەلی دیکەی شاری سنە[دەستکاری]

پەیوەند بە دەرەوە[دەستکاری]

ماڵپەڕی زانستگای کوردستان