تویتەر

لە ویکیپیدیاوە، ئینسایکڵۆپیدیای ئازاد
باز بدە بۆ: ڕێدۆزی، گەڕان
لۆگۆی توویتەر
ئەو پەڕەی کە جاک دۆرسی دامەزرێنەر بیرۆکەی توویتەری لەسەر دانا

توویتەر(بەئنگلیزی:Twitter) تویتەر یەکێکە لە ماڵپەڕە کۆمەڵایەتیەکان.لە ٢١/٣/٢٠٠٦ دامەزرا لە لایەن (جاك دۆرسی)،لە مانگی ٧ بڵاوکرایەوە و خرایە بەردەست . ، لە ئێستادا یەکێکە لە سەرووی ١٠ ماڵپەڕانەی کە زۆرترین سەردانی کەریان ھەر لە گشت ووڵاتانی جیھان کۆمپانیاکە دوو تەلاری ھەیە لە وولایەتەکانی ئەمریکا کە سانفرانسیسکۆ و نیویۆرکە ، دروستکردنی ھەژمار لە توویتەر بە خۆڕاییە لەھەموو جیھان وە لە سەرتاسەری جیهاندا کراوەیە واتا هیچ وڵاتێك بەربەستی بۆ بەکارهێنانی دروستنەکردووە.

واتای تویتەر و تویت[دەستکاری]

تـوویـتـەر واتا کەسێك یان شتێك بجریوێنێت (جریوێنەر) ،تویت واتا جریواندن.

خاوەنەکانی تـویـتـەر[دەستکاری]

جاك دۆرسی،نوح گلاس،ئیڤان ویلامس،بیز ستۆن.

چۆنیەتی کارکردنی تویتەر[دەستکاری]

ماڵپەڕێکی سادەیە خزمەت گوزاری کۆمەڵایەتی و کورتەپەیام یان بڵاوکراوەی کورت(مایکرۆبلۆگینگ)و SMS کورتە نامە و MMS دەخاتە بەردەست بەکارهێنەران. بەشێوەیەکی دیکە کار لەسەر کورت بڕی دەکات و توانای ١٤٠ پیت هەیە کە لە یەك پەیامدا بەکاربێت.

درووستکردنی پەخشی ڕاستەوخۆ لە تویتەر[دەستکاری]

دەتوانین پەخشی ڕاستەوخۆ دروست بکەین بەهۆی ماڵپەڕی (تویت کام) کە بەهێزکراوە لەلایەن ماڵپەڕی (لایڤ ستریم).

زمانەکانی توویتەر[دەستکاری]

وەرگێڕاوە بۆ زیاد لە ٣٣ زمان و زمانی کوردیش هەندێك لە وەرگێڕانی تەواو کردووە.

بەیداخەکانی(لۆگۆ)تویتەر[دەستکاری]

بەیداخە سەرەتاییەکانی تـویـتـەر کەمێك پەیوەندی هەبوو بە (لاری بێرد) یاریکەری یانەی (بۆستن سیڵتیکس) لە یانەکانی NBA لە ساڵی (١٩٧٨).بەڵام دواتر گۆڕا بۆ باڵندەی شینی شاخاوی (Mountain Bluebird). ١- بەیداخی یەکەم لە ١٥/٧/٢٠٠٦ تا ١٤/٩/٢٠١٠

بەیداخی یەکەم

٢- بەیداخی دووهەم لە ١٤/٩/٢٠١٠ تا ٥/٦/٢٠١٢

بەیداخی دووەم

٣- بەیداخی سێهەم لە ٥/٦/٢٠١٢ وە تا ئێستا هەمان لۆگۆیە.

بەیداخی سێیەم

ئامارەکان[دەستکاری]

  1. ١٥٠ ملیۆن بەکارھێنەری چالاکی ڕۆژانەی ھەیە.
  2. لە پلەی دەیەم دا دێت لەو ماڵپەڕانەی کە زۆرترین جار دەکرێنەوە.
  3. ٣٤٠ ملیۆن جار توویت دەکرێت لەلایەن بەکارھێنەران.
  4. ڕۆژانە ١.٦ ملیارد جار گەڕان بۆ توویتەر و ئەندام و گشت خزمەتگووزاریەکانی تری توویتەر دەکرێت .
  5. بوونی نەرمەکاڵا خۆڕاییەکان بۆ زۆربەی سماڕت فۆنەکان تایبەت بە توویتەر لایەنێکی سەرکەوتووی توویتەر لەوانە بۆ ئامێرەکانی ئەپڵ و ئەندڕۆید و بلاکبێری.
  6. داھاتی ماڵپەڕ تاساڵی ٢٠١٣ نزیکی ٤٠٠ ملیۆن دۆلارە.
  7. زیاد لە ٥٠٠،٠٠٠،٠٠٠ (پێنج سەد ملیۆن) هەژمارکەری(بەکارهێنەر) هەیە.

ژمارە پێوانەییەکانی تویتەر[دەستکاری]

لە کاتی مۆندیالدا لە ١٤/٦/٢٠١٠ یاری نێوان (یابان - کامیرۆن) پاش تۆمارکردنی گۆڵێکی یابانیەکان بەرامبەر کامیرۆن زۆرترین ڕێژەی تویتی تۆمار کرد کە (٢،٩٤٠) تویت بوو تەنها لە ماوەیی یەك چرکەدا.لەگەڵ تۆمارکردنی چەند ژمارەیەکی نوێ.نوێترینیان بەهۆیی ساڵی نوێی ٢٠١٣ بوو کە (٣٣،٣٨٨) تویت کرا،لە چرکەیەکدا.

بەکارهێنانی تویتەر لە وڵاتاندا[دەستکاری]

- ئەمریکا زیادلە(١٠٧) ملیۆن.

٢- بەڕازیل زیادلە(٣٣)ملیۆن.

٣- یابان زیادلە(٢٩)ملیۆن.

٤- بەریتانیا زیادلە(٢٣)ملیۆن.

٥- ئیندۆزنیسیا زیادلە(١٩)ملیۆن.

پێک ھاتەی تـویـتـەر تا ساڵی ٢٠١٠[دەستکاری]

٣.٩% پێک دێت لە News (ھەواڵ).

٣.٧٥% پێک دێت لە Spam (پەیامی نەخوازراو)

٥.٨٦% پێک دێت لە Self-promotion (پەیامە چالاکەکان) زیاتر ڕیکلامەکان دەگرێتەوە.

٤٠.٥٤% پێک دێت لە Pointless babble (پەیامی بێمانا و منجە منج).

٣٧.٥٥% پێک دێت لە Conversational (ئاخافتن).

٨.٧٠% پێک دێت لە Pass-along value (ھیچ وشەیەکمان نە دۆزییەوە بۆی یان نزیکی).

هەندێك لە چالاکیەکانی تــویــتــەر[دەستکاری]

١- دروستکردنی نەرمەواڵای (سۆفتوێری) تــویــتــەر لە ٢٠١٠بۆ بەرهەماکانی (ئەپڵ).

٢- لە ٨/١٢/٢٠١١ دیزانێکی نوێ بۆ تـویـتـەر دانرا و هەریەك لە دوگمەکانی (Home،Discover،Connect) (سەرەتا،دۆزینەوە،پێکەوەبەستن) زیاد کرا.

٣- ١٢/٢/٢٠١٢ گرێبەست لەگەڵ کۆمپانیایی (یاندێکس) یەکێکە لە ماڵپەڕەکانی گەڕان خاوەنەکەی ڕووسیایە.

٤- زیادکردنی خزمەتگوزاری (OAuth) بۆ زیاتر پاراستنی هەژمارەکان.

٥- خزمەتگوزاری پڕوپاگەندە (ڕیکلام) کردن.

٦- خستنەگەڕی خزمەتگوزاری (ڤاین) بۆ بڵاوکردنەوەی کورتە ڤیدیۆ بۆ ماوەی ٦ چرکە یان کەمتر دایبگرن بۆ بەرهەمەکانی ئەپڵ.

توویتەر و ئەندامانی[دەستکاری]

توویتەر و کەسایەتیەکان[دەستکاری]

زۆرێک لە کەسایەتی ناو بانگەکەکانی جیھان ھەژماری فەرمی خۆیان ھەیە وە زۆرێکیشیان خۆیان خەریکی بەڕێوبردنیانن لەگرنگترین ئەو کەسانەش :

باڕاک ئۆباما سەرۆکی وولایەتە یەکگرتووەکانی ئەمریکا لەکاتی بەکارهێنانی توویتەر
  • کەسایەتیە سیاسیەکان
  1. باراک ئۆباما
  2. ھیلاری کلینتۆن
  3. جۆن مەکین
  4. بەرلەسکۆنی
  • ھوونەرمەندان
  1. برینتی سپیرس
  2. سارا بارلس
  3. لەیدی گاگا
  • یاریزانانی تۆپی پێ
  1. سیسک فابریگاس
  2. واین ڕۆنی

تویتەر و سیاسەت[دەستکاری]

زۆرینەی سیاسمەت مەدارەکان ھەژماری تایبەتی خۆیان لە توویتەر دەکەنەوە ، بەمەبەستی ئەوەی خۆیان گوێ لە خەڵک بگرن و وەک کارتێکی گرنگ دایبنێن بۆ ھەڵبژاردنی ئایندەیان یان وەک لە شۆڕشی بەھاری عەرەبی توویتەر یەکێک بوو لە سەرچاوەکانی بڵاوکردنەوەی وێنە و ھەواڵەکانی شۆڕشی عەرەبی

سەرچاوە[دەستکاری]