ویکیپیدیا:فێرکاری (ناونووس کردن)
دەستپێک دەستکاریکردن شێوەزار بەستەرەکان لە ویکیپیدیا ناردنەوەی سەرچاوەکان پەڕەکانی لێدوان لەیادت بێ ناونووس کردن کۆتایی
خۆناونووس کردن و وەرگرتنی ناوی بەکارھێنەری ئەگەرچی دڵخوازانەیە، بەڵام پێشنیار دەکرێ.
غەیری ئەوانەی کە خۆیان ناونووس کردووە، ھەموان دەتوان لە ویکیپیدیا بەشداری بکەن؛ بەڵام بەھەرحال بۆ دانانی وتاری نوێ دەبێ ناوی بەکارھێنەریت ھەبێ.
لەبەر سێ ھۆکاری سەرەکی، پێشنیار دەکرێ ناونووس بکرێت:
- ئەگەر ھەژمارەت ھەبێ، کۆمەڵێ تایبەتمەندی دەکەوێتە بەر دەستت. یەکێک لە گرینگترینەکانیان پێڕستی چاودێرییە، کە چاودێری گۆڕانکارییەکان لە پەڕەکانی تایبەت بۆ تۆ ساکار دەکات. یەکێ دیکە لەو تایبەتمەندیانە ئەوەیە کە دەتوانی گواستنەوەی وتارەکان بکەیت یا ناویان بگۆڕیت. (بۆ کۆپی کردنی ناوەڕۆکی وتار و دانانی لە وتارێک بە ناوی نوێ گواستنەوە مەکە. لە جێگەی ئەوە لە دیوەخان دوای یارمەتی بکە.)
- بەکارھێنەرانی ناونووس نەکراو، لە ھەموو شوێنێک لە ویکیپیدیا بە ناونیشانی ئای-پی (IP address) دەناسرێن؛ کاتێ دەستکارییەک دەکەن یان واژۆ دەدەن بە بۆچوونەکانیان. ئەدرەسی ئای-پی لەوانەیە ھێندێ زانیاری تێدابێت سەبارەت بە تۆ، بۆیە ناونووسکردن دەتوانێ پاراستنت بکات. ھەروا لەبەر ئەوەی ئای-پی ئەدرەس دەگۆرێت، لەیاد مانەوەی دژوارە بۆ بەکارھێنەرانی دیکە و پەیوەندی گرتن لەگەڵی ئاسان نییە، بەو مانای کە پەڕەی بەکارھێنەری و لێدوانی نییە. لەبەر سەرجەم ئەم ھۆکارانە بەکارھێنەرانی ویکیپیدیا پێیان باشترە خۆیان ناونووس بکەن و ئەگەر تۆش ناونووس کرابێتی دەستکارییەکان و بۆچوونەکانت باشتر لەبەرچاو دەگیرێت.
- لە کۆتاییدا، تەنھا بەکارھێنەرانی ناونووسکراو بۆیان ھەیە ببنە بەڕێوبەر.
بۆ زانیاری زیاتر بڕوانە: بۆ دەبێ ھەژمار درووست بکەم؟
چۆنییەتی ناونووس کردن
بۆ ناونووس کردن، ئەو بەستەرەی سەرەوە لێبدە (یا دەتوانی بەستەری چوونەژوورەوە لە سەرووی ھەموو پەڕەیەک لێبدەی). کاتی ھەڵبژاردنی ناوی بەکارھێنەری وریا بە، یا سیاسەتی ناوی بەکارھێنەر بخوێنەوە، چونکا دوایی گۆڕانەکەی ئاسان نییە.
کۆتایی فێرکاری بە: پێداچوونەوەیەک ←