ھێرشی ھەکاری ٢٠١٥
| ھێرشی ھەکاری ٢٠١٥ | |
|---|---|
 | |
| بەشێکە لە | کاتھێڵی ناکۆکیی تورکیا و کورد (٢٠١٥–تا ئێستا) |
| جێ | پارێزگای حەکاری |
| کاتی ڕوودان | ٣١ی ئابی ٢٠١٥ |
ھێرشی باشووری ڕۆژاوای ھەکاری ساڵی ٢٠١٥، ئاماژەیە بۆ ئۆپەراسیۆنێکی بەرفراوانی سوپای تورکیا دژی یاخیبووانی کورد لە چیاکانی باکووری کوردستان لە چوارچێوەی ململانێی کوردەکانی تورکیا، کە بووە ھۆی نەھێشتنی تۆڕی ھێزە شاخاوییەکانی پارتی کرێکارانی کوردستان و کوژرانی ١١٩ چەکدار و پاشەکشەی ھەزاران کەسی چەکدار بۆ عێراق. ھێرشەکە سەرەتای مانگی ئەیلوولی ٢٠١٥ لەلایەن لیواکانی کۆماندۆی سوپای تورکیاوە ئەنجامدرا و سەرەتای مانگی تشرینی دووەمی ٢٠١٥ کۆتایی ھات.[١] [٢] [٣]
خشتەی کاتی[دەستکاری]
بەگوێرەی سەرچاوە تورکییەکان لە ٥ی تشرینی دووەمی ٢٠١٥، لە ماوەی ٢٤ کاتژمێری ڕابردوودا سوپای تورکیا لە ئۆپەراسیۆنە ئەمنییەکانیدا لە ویلایەتی ھەکاری باکووری کوردستان لایەنی کەم ٣١ کەسیان لە پارتی کرێکارانی کوردستان کوشتووە. بەگوێرەی ئەو داتایانەی لەئەرکانی گشتیی تورکیا بڵاوکراونەتەوە، سوپای تورکیا ڕۆژی چوارشەممە ١٥ ئەندام و ڕۆژی پێنجشەممە ١٦ ئەندامی ڕێکخراوەکەیان لە ئۆپەراسیۆنە ئەمنییە بەردەوامەکانی ناوچەی یۆکسیکۆڤا لە ویلایەتی ھەکاری کوشتووە.
دەزگای ئەنادۆڵ لەزاری سەرچاوەکانی سوپای تورکیاوە بڵاویکردەوە، ئۆپەراسیۆنی ھەکاری لە ٢٧ی ئەیلوول تا ٥ی تشرینی دووەم بەردەوام بووە و پەناگە شاخاوییەکانی پارتی کرێکارانی کوردستانیان کردووەتە ئامانج و دەستیان بەسەر چەکی دژە فڕۆکە و چەکی قورسی تردا گرتووە یان لەناویان بردووە. لە ڕاگەیەندراوێکی سوپادا ھاتووە، ھێزەکان ١٨ کۆگای شاراوەی دەستی و ئازووقەیان لەناوبردووە.[٤]
زیانەکان[دەستکاری]
تورکیا کوژرانی ٦ سەرباز خۆی و ١١٩ پارتی کرێکارانی کوردستانی لە میانەی ئۆپەراسیۆن و دەستبەسەرداگرتنی تفەنگی دژە فڕۆکەی ڕاگەیاند.
سەرچاوەکان[دەستکاری]
- ^ "Turkey: 119 PKK killed, anti-aircraft guns seized in 40-day Hakk". Archived from the original on 2017-01-18. Retrieved 2020-01-17.
- ^ Page مۆدیوول:Citation/CS1/styles.css has no content."Turkish military clears PKK bases in southeastern Hakkari, kills 119 terrorists".
- ^ "Turkey breaks new ground in southeast reconstruction - Al-Monitor: the Pulse of the Middle East". Al-Monitor. Archived from the original on 2016-12-28.
- ^ https://web.archive.org/web/20171116153643/http://aa.com.tr/en/turkey/turkey-31-pkk-terrorists-killed-in-hakkari-operation/467906
 |
کۆمنزی ویکیمیدیا، میدیای پەیوەندیدار بە ھێرشی ھەکاری ٢٠١٥ تێدایە. |