کودەتای تشرینی دووەمی ١٩٦٣
| کودەتای تشرینی دووەمی ١٩٦٣ | |
|---|---|
| بەشێکە لە | شەڕی ساردی عەرەب |
| وڵات | یەکەمین کۆماری عێراق |
| جێ | یەکەمین کۆماری عێراق |
| کاتی ڕوودان | ١٨ی تشرینی دووەمی ١٩٦٣ |
| ڕێکەوتی دەستپێکردن | ١٣ی تشرینی دووەمی ١٩٦٣ |
| ڕێکەوتی کۆتاییھاتن | ١٨ی تشرینی دووەمی ١٩٦٣ |
کودەتای تشرینی دووەمی ١٩٦٣ یان بزووتنەوەی ١٨ی تشرینی دووەمی ١٩٦٣ یان لادانی ڕەشی ئۆکتۆبەر، بە پێی بۆچوونی نەیارە بەعسییەکان، کە لە لایەن سەرۆک کۆماری عێراق عەبدولسەلام عارف ئەنجامدرا بۆ نەھێشتنی دەسەڵاتی حیزبی بەعس، کە سەرکەوتووش بوو بە ھاوکاری لەگەڵ کەسایەتییە سیاسییەکان و ئەفسەرەکان کە ئەندامی ڕێکخراوی ئەفسەرانی نیشتمانیی «یان ئازاد» بوون، و ھەندێک لە کەسایەتییەکانی سەر بە بزووتنەوەی عەرەبی و ئەفسەرە سەربازی و مەدەنییە سەربەخۆکانی دیکە کە بەشدارییان لە جێبەجێکردنی بزووتنەوەی ٨ی شوباتی ١٩٦٣ کردووە لە دژی ڕژێمی سەرۆکوەزیرانی پێشوو عەبدولکەریم قاسم. زۆربەی سەرکردەکانی بزووتنەوەی ٨ی شوباتی ١٩٦٣ کەسایەتی عەرەب بوون و بەشێکیشیان ئەندامی ڕێکخراوی ئەفسەرانی نیشتمانیی بوون، کە زۆربەیان سەر بە حیزبی بەعس بوون، دوای سەرکەوتنی بزووتنەوەی ٨ی شوباتی ١٩٦٣، «ئەنجومەنی نیشتمانیی بۆ سەرکردایەتی شۆڕش» لە ئەندامانی ڕێکخراوی ئەفسەرانی نیشتمانیی لەگەڵ ئەفسەرانی بەشداربووی بزووتنەوەی ٨ی شوباتی ١٩٦٣ پێکھێنرا. سەرکردایەتی ئەنجومەن بەسەر ئەندامانی حیزبی بەعسدا زاڵ بوو، ئەو وەزارەتانەی کە بۆ دوانزە وەزیری بەعس دانرابوو تەنیا یەک دانەیان بۆ بەعس مایەوە و وەزارەتەکانی دیکە لەلایەن کەسایەتی سەربەخۆ یان لە بزووتنەوەکانی ترەوە وەرگیران.
