ڕەوایی (سیاسەت)
لە زانستی سیاسیدا، ڕەوایی یا شەرعییەت یا مەشرووعییەت بریتییە لە ڕادەی وەرگیراوی و پەسەندکراویی دەسەڵاتێک (زیاتر یاسایەکی حاکم یا ڕژێمێک) لە لایەن جەماوەرەوە. "دەسەڵات" نیشاندەری پێگەیەکی تایبەتە لەناو حکوومەتێکی دامەزراودا، بەڵام "ڕەوایی" نیشاندەری سیستەمێکە لە گۆڕەپانی دەسڕۆیی (sphere of influence) -ی حکوومەتێکدا. ڕەوایی یا شەرعییەتی سیاسی مەرجێکی بنەڕەتییە بۆ حکوومەتکردن، کە نەبوونی، حکوومەت تووشی داتەپین و قەتیسمانەوە لە کاری یاسادانان ئەکا.