ڕەفیقی وێنەگر

لە ئینسایکڵۆپیدیای ئازادی ویکیپیدیاوە
Jump to navigation Jump to search

ڕەفیق مەحموود محەممەد (لەدایکبووی ١٩٣٢ لە سلێمانی، عێراق – مردووی ٨ی ئەیلوولی ٢٠٢٠) وێنەگرێکی کورد بوو. ڕەفیق ھەر ؛ە مندالییەوە بەھۆی مەحموودە فەندی باوکییەوە، بە کامێرا و فۆتۆ ئاشنا بوو، چونکە باوکی بە پێشەنگی وێنەگری شاری سلێمانی دادەنرێت. دوای جەنگی جیھانی یەکەم بەخۆی بەکامێرایەوە لەناو سوپای عوسمانییەوە بۆ شاری سلێمانی گەرایەوەی خولیای وێنەگری ھەبوو وە سەرچاوەی بژێوی ژیانی بوو، بەم پیشەیە ڕەفیقی کوری لای خۆشەویست دەبێت و درێژە بەم کارە دەدات، بەھۆی ئەوەی محەممەد قودسی برای گەورە لەگەل سێ ئەفسەری دیکەدا بەشداریی کۆماری کوردستانی مەھاباد دەکەن و دوای ڕوخانی کۆمار دەگەرێتەوە عێراق، لە ١٩ی حوزیرانی ساڵی ١٩٤٧ لەلایەن ڕژێمی پاشایەتییەوە لەسێدارە دەدرێن و دواتریش خانەوادەکەی نەفی دەکرێت بۆ شارەکانی ھەولێر و کۆیە و ڕواندز، بەو ھۆیەوە ڕەفیق مەحموود دەرفەتی خوێندنی لەدەست دەچێت و خۆی بۆ کاری وێنەگری تەرخان دەکات.

ڕەفیقی وێنەگر ساڵی ١٩٥٤ لە شاری سلێمانی و لەنزیک سەرا ستۆدیۆیەکی بەناوی خۆیەوە داناوە و بەکاری وێنەگری سەرقال دەبێت٫ ئەرشیفی وێنەیی باوکی دەولەمەنتر دەکات.

لە ساڵی ١٩٦٢ پەیوەندی بە شۆرەشی ئەیلولەوە دەکات و دەبێتە پێشمەرگە٫ لە ژانی پێشمەرگایەتیش بایەخ بەھونەری وێنەگرتن دەدات و چەندین وێنە و ڤیدیۆی جوان و ناوازەی ناوچە ئازادکراوەکانی شرۆشدا دەگرێت٫ دوای پێشمەرگایەتی و ھاتنەوەی بۆ ناوشاری سلێمانی لەسەر کاری وێنەگری بەردەوام دەبێ خۆی بەم کارە دەبەخشێت. ڕەفیقی وێنەگر نزیکەی نیو میلیۆن وێنەی جیاجیای سەرانسەری کوردستان ھەیە و نزیکەی ٣٤ ھەزار جامی وێنەی نەشۆراوەی ھەیە. ڕەفیقی وێنەگر لەتەمەنی ٨٨ ساڵی کۆچی داوی کرد لە شاری سلێمانی نێژرا.

لینکی سەرچاوە میدیای کوردی

  1. مالپەری سبەی
  2. مالپەری کوردستان ٢٤
  3. سپی میدیا
  4. مالپەری کورد یو
  5. ماپەری زەمەن پرێس