ڕێد داون
ڕێد داون (بە ئینگلیزی: Red Dawn) فیلمێکی جەنگی ئەکشنی ئەمریکییە لە ساڵی ٢٠١٢ لە دەرھێنانی دان برادلی و لە نووسینی کارل ئێڵسوۆرس و جێرمی پاسمۆرە. دووبارە دروستکردنەوەی فیلمێکی ساڵی ١٩٨٤ە بە ھەمان ناو. لەم فیلمەدا کریس ھێمسۆرس و جۆش پێک و جۆش ھاچەرسۆن و ئەدریان پالیکی و ئیزابێل لوکاس و جێفری دین مۆرگان ڕۆڵی سەرەکی دەگێڕن. فیلمەکە باسەکەی لەسەر کۆمەڵێک گەنجە کە بەرگری لە زێدی خۆیان دەکەن لە داگیرکاری کۆریای باکوور.
کۆمپانیای میترۆ گۆڵدڤین-مایەر لە مانگی ئایاری ٢٠٠٨دا نیازی خۆی ڕاگەیاند بۆ دووبارە دروستکردنەوەی فیلمی ڕێد داون و دواتر برادلی و ئێڵسوۆرسی بەکرێ گرت. ساڵی دواتر کارەکتەرە سەرەکییەکان ڕۆڵیان گێڕا و فیلمەکە لە ئەیلوولی ٢٠٠٩ لە ماونت کلیمێنس لە ویلایەتی میشیگان کەوتە بەرھەمھێنان. لە سەرەتادا بڕیار بوو لە ٢٤ی ئەیلوولی ٢٠١٠ و ٢٤ی تشرینی دووەمی ٢٠١٠ نمایش بکرێت، فیلمەکە بەھۆی کێشە دارایییەکانی کۆمپانیای ئێم جی ئێمەوە دواخرا.[١]
بەھۆی مایەپووچبوونی کۆمپانیای ئێم جی ئێم، مافی دابەشکردنی فیلمەکە لە مانگی ئەیلوولی ٢٠١١ بە فیلمدیستریکت فرۆشرا و فیلمەکە لە ٢١ی تشرینی دووەمی ٢٠١٢ لە ئەمریکا نمایشکرا، کە زۆربەیان پێداچوونەوەی نەرێنییان پێکرا. ھەروەھا فیلمەکە بۆمبێکی گەورەی بۆکس ئۆفیسە، داھاتی ٥٠٫٩ ملیۆن دۆلارە لە بەرامبەر بوودجەی ٦٥ ملیۆن دۆلار.
سەرچاوەکان[دەستکاری]
- ^ O’Connor, Sean; Armstrong, Nicholas (October 28, 2015). "DIRECTED BY HOLLYWOOD, EDITED BY CHINA: HOW CHINA'S CENSORSHIP AND INFLUENCE AFFECT FILMS WORLDWIDE" (PDF). The U.S. -China Economic and Security Review Commission. Retrieved July 20, 2017.
 |
کۆمنزی ویکیمیدیا، میدیای پەیوەندیدار بە ڕێد داون تێدایە. |
- فیلمە ئەمریکییەکانی دەیەی ٢٠١٠
- فیلمەکان بە زمانی ئینگلیزی لە دەیەی ٢٠١٠
- یەکەم فیلمە دەرھێنراوەکانی ساڵی ٢٠١٢
- فیلمی تەکنەلۆجیای ھەستبزوێن
- فیلمە بەرھەمھێنراوەکان لەلایەن بیو فلین
- فیامەکانی مێترۆ-گۆلدوین مایەر
- فیلمە جەنگییە ئەمریکییەکان
- دووبارە دروستکردنەوەی فیلمە ئەمریکییەکان
- فیلمە جەنگییەکانی دەیەی ٢٠١٠
- فیلمەکانی ٢٠١٢