چیرۆکی پێرین

لە ئینسایکڵۆپیدیای ئازادی ویکیپیدیاوە
Jump to navigation Jump to search

ناوى ئه‌نیمی: چیرۆکی پێرین

The Story of Perrine

نوسه‌ر : هیكتۆر مالۆت

وێنه‌كێش: جه‌نیچی سێكی

ده‌رهێنه‌ر: هیرۆشی سایتۆ- شیگیۆ كۆشی

ماوه‌: ٥٣ ئه‌ڵقه‌

جۆری ئه‌نیمی: په‌روه‌رده‌یی

ساڵى به‌رهه‌مهێنان: ١٩٧٨

كۆمپانیای به‌رهه‌مهێن: نیپۆن ئه‌نیمه‌یشن


كورته‌ى چیرۆكه‌كه‌

له‌ پاش مردنی باوكی، ( پێرین ) ناچارده‌بآ له‌گه‌ڵ دایكیدا گونده‌كه‌یان له‌ هندستان به‌جێبهێڵن و بگه‌رِێنه‌وه‌ بۆ ئه‌و شاره‌ى كه‌ باوكی تێیدا گه‌وره‌ بووه‌ ( شارى ماره‌كۆت ) له‌ وڵاتی فه‌ره‌نساو بگه‌رِێن به‌دواى باپیریدا. پێرین و دایكی وه‌ك وێنه‌گری گه‌رِۆك كارده‌كه‌ن، به‌وه‌ش بژێوى ژیانیان به‌ده‌ست ده‌هێنن. له‌ گه‌شته‌كه‌دا دایكی نه‌خۆش ده‌كه‌وێت و پێرینیش بۆ چاره‌سه‌رى دایكى ناچارده‌بێت زۆربه‌ى پێداویستییه‌كانیان بفرۆشێت. پێرین نه‌یده‌زانی كه‌ باوكی له‌گه‌ڵ باپیریدا توشی ده‌مه‌قاڵێ‌ بووه‌، له‌سه‌ر ئه‌و وه‌سێه‌ته‌ى كه‌ باپیرى بۆى كردوه‌، چونكه‌ باوكی به‌ گوێی نه‌كردووه‌و وه‌سیه‌ته‌كه‌ى شكاندووه‌. هه‌ر له‌به‌ر ئه‌وه‌ش پێرین كه‌ ده‌گاته‌ شاره‌كه‌، باپیری ده‌دۆزێته‌وه‌ كه‌ كه‌سێكی ده‌وڵه‌مه‌نده‌، كارگه‌یه‌كی گه‌وره‌ى هه‌یه‌و یارمه‌تى هه‌ژاران ده‌دات. پێرین به‌ ناچار ناوى خۆى ده‌گۆرِێت به‌ (ئۆرالى) بۆ ئه‌وه‌ى كه‌س نه‌یناسێته‌وه‌و ئه‌و ناخۆشییه‌ى له‌ نێوان باوك و باپیریدا هه‌بووه‌ بگه‌رِێنێته‌وه‌ بۆ خۆشه‌ویستیى. پێرین كچێكى زیره‌ك و لێهاتوو ده‌بێت و هه‌ر زوو لاى باپیرى خۆشه‌ویست ده‌بێت. له‌ كۆتاییدا خۆی ئاشكرا ده‌كات و سامانێكی زۆرى بۆ ده‌مێنێته‌وه‌.


کەسایەتییەکان

پێرین: ته‌مه‌نی 13 ساڵه‌. له‌ دایكێكی هندی و باوكێكی فه‌رِه‌نسییه‌.

ماری: دایكی پێرینه‌. به‌ نه‌خۆشى كۆچی دوایی ده‌كات.

بێلفرانك: باپیرى پێرینه‌.كه‌سێكی ده‌وڵه‌مه‌ندو ناسراوه‌. نابینایه‌. له‌ كۆتایدا چاوى چاكده‌بێته‌وه‌.

رۆزالی: یه‌كه‌مین كه‌سه‌ له‌ ماره‌كۆت ده‌بێته‌ هاورِێی پێرین.

پاوڵ براى رۆزالییه‌.' شامۆنی باوكی رۆزالییه‌. فرانكوێس نه‌نكی رۆزالییه‌.

تاروێڵ: لێپرسراوى كارگه‌كه‌ى بێلفرانكه‌.

تیۆدۆر: خوشكه‌زاى بێلفرانكه‌، ده‌یه‌وێت جێگه‌ى بگرێته‌وه‌.

فابرى: نوسه‌رێكی لێهاتووه‌و باوه‌رِپێكراوى بێلفرانكه‌.

مارسێل: هاورِێی پێرینه‌. له‌ یانه‌یه‌كی سێرك ئیشده‌كات.

بارۆن: سه‌گه‌كه‌ى پێرینه‌.

پێریكال: عه‌ره‌بانه‌كه‌ى ماڵى پێرین راده‌كێشێت.


سەرچاوە: گۆڤاری پەپوولە ژمارە ١٥٦