پرک

لە ئینسایکڵۆپیدیای ئازادی ویکیپیدیاوە
Jump to navigation Jump to search

پرک لیستکه‌ک که‌ڤن له‌ ناڤ کورمانجێن خوراسانێ یه‌. پرک ژه‌ په‌یڤا “پر” هاتییه‌ گرتن کو چاخێ برنێ له‌ لیستکێ تێ گۆتن.

لیستکا پرکێ[دەستکاری]

لیستکێ پرکێ پرتر له‌ ڕۆیێنه‌ نه‌ورۆزێ و بهارێ له‌ ناڤ مێران و جه‌وانان تێ له‌ دار خستن. پرک له‌ سه‌ر ئه‌ردێ نه‌رم و زێده‌تر له‌ سه‌ر ئووله‌نگێ تێ لیستن. چه‌ند نه‌فه‌ر کو ده‌خوازن بلیزن ده‌ونه‌ دو کۆم و هه‌ر کۆمه‌ک چار یا پێنج که‌س ئن. که‌سێن هه‌ر دو کۆمان پێیێن خوا تا سه‌ر قوپکێ هل ده‌ده‌ن و سۆله‌ و کورکێ خوا ژی ڤه‌ردێخنن. خه‌ته‌ک داییره‌یی تێ کشاندن ئێ نیشانییه‌ک مینا داره‌ک یا دیفاله‌ک یا که‌وره‌ک یا تشته‌ک دن ژی له‌ ۱۰۰ – ۲۰۰ مترییێ بێلی ده‌و. کۆمه‌ک ده‌که‌ڤه‌ ناڤ داییرێ و کۆمه‌ک ژی له‌ ده‌ر ده‌سه‌کنه‌ . که‌سێن کۆمی ده‌ر تمیشه‌ وه‌ دۆری داییرێ دا ده‌گه‌رن و ده‌ره‌ڤن و باز ده‌ده‌ن. که‌سێن کۆما ناڤ داییرێ ژی تمێشه‌ وه‌ دۆری خێت دا ده‌گه‌رن. برن و بایدان له‌ ڤی لیستکا ڤا یه‌ کو هه‌ر که‌سه‌ک ژه‌ کۆمێ ده‌ر بکوینه‌ ده‌ستێ خوا له‌ سه‌ری یێکێ ژه‌ که‌سێنه‌ ناڤ داییرێ خنه‌ (کومی وی هلینه‌!) و زووزوو بره‌ڤه‌ و خوا بگینه‌ نیشانه‌یێ (دار یا دیفال یا …). قه‌ دوروست وێ چاخێ کو ده‌ستێ وی له‌ سه‌ری یێکێ که‌ت و ڕه‌ڤی که‌سێن کۆما ناڤ داییرێ ژی هه‌ڤدو خه‌وه‌ر ده‌که‌ن و زووزوو ده‌ره‌ڤن کو خوا بگیننه‌ وی و بگرن. ئه‌گه‌ر وی بگرن کۆما ده‌ر ده‌شه‌وته‌ و گه‌رێ هه‌ره‌ ناڤ داییرێ. چاخی کو که‌سه‌ک وی بگره‌ هاکا ده‌وێژه‌ : پڕ! ئه‌گه‌ر ژی وه‌شه‌ نه‌که‌ن وی بگرن و ئه‌و خوا بگینه‌ نیشانه‌یێ ، کۆما ده‌ر برییه‌ و دیسا له‌ ده‌ر ده‌که‌کنه‌. چاخی کو که‌سێن کۆما ده‌ر وه‌ دۆری خێت دا ده‌ره‌ڤن تا کوما که‌سێن ناڤ خێت هلینن ئه‌گه‌ر یێک ژه‌ که‌سێن ناڤ خێت وه‌ لنگێ خوا لێخنه‌ پێقێ یێن ده‌ر دیسا ژی کۆما ده‌ر ده‌شه‌وتن و گه‌رێ هه‌رن ناڤ خێت (ئوورتا داییرێ). چاخی کو که‌سێن ناڤ خێت ده‌خوازن وه‌ لنگێ خوا لێخنن پێقێ که‌سێن ده‌ر گه‌رێ لنگه‌ک وان هه‌تمه‌ن له‌ ناڤ خێت و و ده‌سته‌ک وان ژی له‌ ئه‌ردێ که‌ڤێ. من ژه‌ پرکێ نڤیسی و خزانتیا من هاته‌ بیرا من. ئه‌ید و بهار کو ده‌هات مه‌ خزانان هه‌ڤدو ده‌گرت و ده‌چوونی ئووله‌نگێ ژه‌ سوێ تا ئێڤارکی ده‌لیستنی و مه‌ تێر نه‌ده‌خوار!

سەرچاوە[دەستکاری]

  • به‌رات قه‌ڤی ئه‌ندام – قووچان