نوسا

نوسا کورتکراوەی کۆمپانیای نەرمەکاڵا و ڕەقەکاڵای ئێرانە کە لە ساڵی ١٣٦٧ بە ئامانجی کارکردن لە بواری ئەندازیاری نەرمەکاڵا و ڕەقەکاڵا دامەزراوە و لە ماوەی ساڵانی ڕابردوودا دیزاین و بەرھەمھێنانی نەرمەکاڵای ئەپلیکەیشن لە بواری سیستەمی دارایی و سەرچاوەی ڕێکخراوەیی و... سیستەمی زانیاری و ئۆتۆماتیکیکردنی ناوەندەکان، بەڵگەنامە و کتێبخانەکانی وەک میحوەرێکی سەرەکی چالاکییەکانی پەیڕەو کردووە .

کارکردن

کۆمپانیای نوسا خاوەنی ئەزموونی ٢٥ ساڵە. ئەم کۆمپانیایە جگە لە نووسینگەکانی تاران ، نووسینگەی لە یەزد ، ئیسفەهان ، کرمان ، مەشهەد ، شیراز ، ڕەشت و خوڕەمابادیش ھەیە و خزمەتگوزاری پێشکەش بە ھەموو کڕیارەکانی دەکات لە هەر شوێنێکی ئێران. پلانەکانی داھاتووی کۆمپانیاکە بریتین لە دوو باڵەخانە کە لە قۆناغی دروستکردندان، بارەگایەکی نوێ لە پارکی تەکنەلۆجیای پردیس و سەنتەری دۆکیۆمێنتی نوێ لە پارکی تەکنەلۆجیای شێخ بەهای لە ئیسفەھان. ئەم کۆمپانیایە لە ئێستادا یەکێکە لە کۆمپانیا پۆلێنکراو و دانپێدانراوەکانی ئەنجومەنی باڵای ئینفورماتیکی وڵات، ئەندامی کۆمەڵەی کۆمپانیاکانی ئینفورماتیک و یەکێک لە خاوەن پشکەکانی کۆمپانیای لێکۆڵینەوە و پەرەپێدانی نەرمەکاڵای ئێران (شەنارەی)یە. بڕوانامەی کتێبخانەی دیجیتاڵی و سیستەمی زانیاریی نوسا لە زیاتر لە ٥٠٠ ناوەند و نەرمەکاڵا دارایی و کارگێڕییەکانی نوسا لە زیاتر لە ٣ ھەزار ناوەند لە سەرانسەری وڵاتدا بەکاردەهێنرێت.

مێژوو

کۆمپانیای نوسا لە ساڵی ١٣٦٧ لە لایەن کۆمەڵێک مامۆستای نوخبە و خوێندکاری زانکۆی شەریف دامەزراوە. کۆمپانیاکە دەستی بە کارەکانی کرد بە دابینکردنی ڕەقەکاڵا, دانانی تۆڕێکی کۆمپیوتەر, و نەرمەکاڵا تایبەتەکان. لە ساڵی ١٣٦٨دا، نوسا یەکەم وەشانی نەرمەکاڵای ئەپلیکەیشنی خۆی ئامادەکرد، دواجار لە ساڵی ١٣٧٠دا، نوسا وازی لە بەشداریکردنی لە پەرەپێدانی ڕەقەکاڵا و نەرمەکاڵا تایبەتمەندەکان ھێنا و تیمەکەی لەسەر دیزاین و بەرھەمھێنانی نەرمەکاڵای بەڕێوەبردنی دارایی و نەرمەکاڵای ئۆتۆماتیکی زانیاری چڕکردەوە.