بۆ ناوەڕۆک بازبدە

ماریا ڕاسپوتین

لە ئینسایکڵۆپیدیای ئازادی ویکیپیدیاوە

ماریا راسپوتین (بە ئینگلیزی: Maria Rasputin)(٢٧ی ئازاری ١٨٩٨ – ٢٧ی ئەیلوولی ١٩٧٧) ژنێکی ڕووسی بووە کە کچی گریگوری ڕاسپوتین و پراسکۆڤیا فیۆدۆرۆڤنا دوبرۆڤینا بووە. سێ بیرەوەری لەسەر باوکی نووسیوە، کە باس لە تزار نیکۆلاسی دووەم و تزاریسا ئەلێکساندرا فیۆدۆرۆڤنا و ھێرشی کیۆنیا گوسێڤا و کوشتنەکە دەکات. سێیەمیان بە ناوی (پیاوی پشت ئەفسانە) لە ساڵی ١٩٧٧ بە ھاوبەشی لەگەڵ پات بەرھەم بڵاوکرایەوە. لە سێ بیرەوەرییەکەیدا کە ڕاستییەکەی کەوتۆتە ژێر پرسیارەوە، وێنەیەکی نزیکەی پیرۆزی باوکی کێشاوە، پێداگری لەسەر ئەوە دەکات کە زۆربەی چیرۆکە نەرێنییەکان لەسەر بنەمای بوختان و لێکدانەوەی ھەڵە بۆ ڕاستییەکان لەلایەن دوژمنەکانییەوەیە. ماتریۆنا (یان ماریا) ڕاسپوتین لە گوندی پۆکرۆڤسکۆی سیبیریا لە ویلایەتی تۆبۆلسک لە ٢٦ی ئازاری ١٨٩٨ لەدایکبووە، ھەندێک کەس پێیان وایە لە ساڵی ١٨٩٩ لەدایک بووە، ئەو ساڵەش لەسەر بەردی گۆڕەکەیە، بەڵام لە ساڵی ١٩٩٠ەوە ئەرشیفەکان لە ڕووسیا کرانەوە و زانیاری زیاتر بۆ توێژەران بەردەست بوو. ئەوەی کەمێک لەبارەی منداڵی ڕاسپوتینی باوکی ماریەوە دەزانرێت، لەلایەن ماریایەوە گوازراوەتەوە. ماریا بیرۆکەکانی خۆی سەبارەت بە ناوی بنەماڵەکەیان دەربڕی، بە وتەی ئەو باوکی ھەرگیز دەروێش نەبووە، بەڵکو چاولێکەر بووە.


سەرچاوەکان[دەستکاری]