لی چینگ یون

لە ئینسایکڵۆپیدیای ئازادی ویکیپیدیاوە
باز بدە بۆ: ڕێدۆزی، گەڕان
لی چینگ یون
لەدایکبوون ١٦٧٧ يان ١٧٣٦
سیچوان
مەرگ ٦ی ئایار ١٩٣٣
سیچوان, کۆماری گەلی چین
ھۆکاری مەرگ هۆكارى سروشتى
ناوبانگ درێژ تەمەن

(لی چینگ یون بەزمانی چینی:李清云) پیاوێكی به‌ڕه‌گه‌ز چینییه‌و به‌گوێره‌ی زۆربه‌ی سه‌رچاوه‌و زانیارییه‌كان ٢٥٦ ساڵ ژیاوه‌. ئه‌م پیاوه‌ له‌ساڵی ١٦٧٧ له‌هه‌رێمی سیچوان له‌ چین له‌دایكبووه‌. زۆربه‌ی ژیانی له‌شاخه‌كانی ئه‌و هه‌رێمه‌ به‌سه‌ر بردووه‌. گژوگیای كۆكردووه‌ته‌وه‌و فێری نهێنییه‌كانی ته‌مه‌ن درێژی بووه‌. له‌ساڵی 1748 كه‌ ئه‌و كاته‌ ته‌مه‌نی 71 ساڵ بووه‌، له‌ سوپای چیندا خزمه‌تی كردووه‌و وانه‌ی هونه‌ری جه‌نگی و به‌رگری له‌خۆكردنی وتووه‌وته‌وه‌و وه‌ك راوێژكاری سه‌ربازی كاریكردووه‌. ئه‌م پیاوه‌ له‌میانه‌ی ژیانیدا ٢٣ ژنی هێناوه‌و پاش مردنیشیان خۆی هه‌مویانی ناشتووه‌. له‌ساڵی ١٩٢٧ جه‌نه‌ڕاڵ یانگ سین له‌سوپای شۆڕشگێڕی نیشتمانیی چین، به‌هۆی سه‌رسامبونی به‌م پیاوه‌وه‌، بانگهێشتیكردووه‌ بۆ شوێنی نیشته‌جێبونی خۆی له‌هه‌رێمی سیشوان. ئه‌و وێنه‌یه‌ی هاوپێچی ئه‌م بابه‌ته‌یه‌ له‌و ساڵه‌دا گیراوه‌. پاش شه‌ش ساڵ له‌و بانگهێشته‌ لی كۆچی دوایی كردووه‌. ئه‌م پیاوه‌ پێش مردنی به‌ هاوڕێكانی وتووه:‌ "هه‌ر شتێك كه‌ پێویست بوبێت بیكه‌م، كردومه‌و ئێستاش پێویسته‌ بگه‌ڕێمه‌وه‌ بۆ ماڵه‌وه"‌، دوای ئه‌وه‌ له‌ ٦ی ئایار ١٩٣٣ كۆچی دوایی كردووه‌. ئه‌م پیاوه‌ خۆی ده‌ڵێت له‌دایكبوی ساڵی ١٧٣٦ه‌ به‌ڵام چه‌ند ریكۆردێك هه‌ن باس له‌وه‌ ده‌كه‌ن كه‌ له‌دایكبوی ١٦٧٧، كه‌واته‌ ١٩٧ ساڵ یان ٢٥٦ ساڵ ژیاوه‌ كه‌ هه‌رچییه‌كیان راست بێت درێژترین ته‌مه‌نی باوه‌ڕپێكراوه‌ له‌مێژوودا. هاوكات زۆرترین زانیارییه‌كان ئاماژه‌ به‌وه‌ ده‌ده‌ن كه‌ ٢٥٦ ساڵه‌كه‌ راستتره‌ هه‌رچه‌نده‌ هه‌رگیز نه‌توانراوه‌ مێژوی راسته‌قینه‌ی له‌دایكبونی به‌ته‌واوه‌تی و ره‌سمی جه‌خت بكرێته‌وه‌. له‌ساڵی ١٩٣٠ له‌ رۆژنامه‌ی نیۆرك تایمز بڵاوكراوه‌ته‌وه‌، باس له‌وه‌ ده‌كات كه‌ حكومه‌تی ئیمپراتۆریه‌تی چین له‌ساڵی ١٨٢٧ پیرۆزبایی له‌ لی چینگ یون كردووه‌ به‌بۆنه‌ی جه‌ژنی له‌دایكبونی ١٥٠ ساڵه‌یه‌وه‌، به‌ڵگه‌نامه‌ی دوای ئه‌وه‌ش هه‌یه‌ كه‌ له‌ ١٨٧٧ پیرۆزبایی جه‌ژنی ٢٠٠ ساڵه‌ی له‌دایكبونی لێكراوه‌. له‌ساڵی 1928 په‌یامنێری نیۆرك تایمز بڵاویكرده‌وه‌ كه‌ زۆرێك له‌پیاوه‌ پیره‌كانی گه‌ڕه‌كه‌كه‌ی لی جه‌ختیانكردووه‌ته‌وه‌ كه‌ باپیریان ئه‌و پیاوه‌ ده‌ناسن و ئه‌وكاته‌ كه‌ ئه‌مان منداڵ بون ئه‌و گه‌وره‌ بووه‌.

سەرچاوە[دەستکاری]