سۆلاڤ شەیدا
سۆلاڤ شەیدا | |
|---|---|
| لەدایکبوون | ١٩٨٦[١] |
| مەرگ | ١٧ی تەممووزی ٢٠٢٣ (٣٧ ساڵ ژیاوە)[٣] |
| ھۆکاری مەرگ | شێرپەنجەی لیمفەگرێیەکان[٥] |
| نەتەوە | کورد |
| پیشە | ئەکتەر، دەرھێنەر، شانۆکار |
| چالاکبوون | ١٩٩٤–٢٠٢٣[١] |
کارە ناودارەکان | ژانی گەل، گوڵێک کاڵتر، بەختەباران |
| باوان |
|
| خەڵاتەکان | باشترین سیناریۆ، خەڵاتی لاوی ساڵ، خەڵاتی ڕێزلێنانی بابیلۆن |
سۆلاڤ حەمە غەریب[٧] ناسراو بە سۆلاڤ شەیدا (١٩٨٦ لە سلێمانی – ١٧ی تەممووزی ٢٠٢٣ لە سلێمانی) ئەکتەر، دەرھێنەر و شانۆکارێکی ناسراوی کورد بوو.[١] ئەو بە ڕۆڵە جیاواز و بوێرانەکانی لە چەندین فیلمی سینەمایی، دراما و شانۆگەریدا ناسرا و یەکێک بوو لە خانمە ھونەرمەندە دیارەکانی بواری نواندن.[٨]
ژیانی سەرەتایی و ھونەری
[دەستکاری]سۆلاڤ شەیدا لە ساڵی ١٩٨٦ لە گەڕەکی دارۆغای شاری سلێمانی لەدایک بووە.[٢] لە تەمەنی ھەشت ساڵییەوە و لە ساڵی ١٩٩٤ تێکەڵی دنیای ھونەر بووە و سەرەتا بە کاری شانۆ دەستی پێ کردووە.[١][٣] یەکێک لە وەرچەرخانە گرنگەکانی ژیانی ھونەریی، دەرکەوتنی بوو لە درامای گوڵێک کاڵتر لە ساڵی ٢٠٠٧.[٩] سۆلاڤ بەوە ناسرابوو کە حەزی بە بەرجەستەکردنی ڕۆڵە سەخت و ئاڵۆزەکان دەکرد، بەتایبەت ئەو ڕۆڵانەی کە جورئەت و تازەگەرییان تێدابوو.[٢]
کارە ھونەرییەکان
[دەستکاری]سۆلاڤ شەیدا لە ماوەی نزیکەی ٣٠ ساڵی کاری ھونەریدا، بەشداریی لە ژمارەیەکی زۆر بەرھەمی جۆراوجۆردا کردووە.[١٠]
فیلمی سینەمایی
[دەستکاری]کورتەفیلم
[دەستکاری]دراما
[دەستکاری]- ژیلەمۆ (لە دەرھێنانی بەکر ڕەشید)[٢]
- دووپشک (لە دەرھێنانی میھران شیری)[٢]
- فرمێسک (لە دەرھێنانی سەڵاح حەسەن)[٢]
- لە گوڵێک کاڵتر (لە دەرھێنانی بەھزاد ئەمینی موختار)[٢]
- براوە و دۆڕاوەکان (لە دەرھێنانی کەریمۆک)[٢]
- ژوانێک بۆ خۆشەویستی (لە دەرھێنانی بەھزاد ئەمینی موختار)[٢]
- چپەی ڕابردوو (لە دەرھێنانی محەمەد گمور)[٢]
- بەختەباران (لە دەرھێنانی نیاز لەتیف)[٢]
دەرھێنان
[دەستکاری]سۆلاڤ شەیدا کاری دەرھێنانی بۆ دوو کورتەفیلم کردووە و لە ھەردووکیاندا وەک ئەکتەریش بەشدار بووە:[٢]
خەڵات و ڕێزلێنان
[دەستکاری]سۆلاڤ شەیدا لە ماوەی کارکردنیدا چەندین خەڵاتی بەدەستهێناوە، لەوانە:[١١][٨]
- خەڵاتی باشترین سیناریۆ: بۆ کورتەفیلمی فرمێسک بۆ تارا لە "فێستیڤاڵی نا بۆ توندوتیژی".
- خەڵاتی لاوی ساڵ: لەلایەن سەندیکای ھونەرمەندانی کوردستانەوە.
- خەڵاتی ڕێزلێنانی بابیلۆن: لە "فێستیڤاڵی نا بۆ توندوتیژی".
کۆچی دوایی
[دەستکاری]سۆلاڤ شەیدا لە سەرەتای ساڵی ٢٠٢٣ تووشبوونی خۆی بە نەخۆشیی شێرپەنجەی لیمفەگرێیەکان ڕاگەیاند.[٣] دوای ماوەیەک ململانێ لەگەڵ نەخۆشییەکە و وەرگرتنی چارەسەری کیمیایی، لە ڕۆژی دووشەممە، ١٧ی تەممووزی ٢٠٢٣ لە تەمەنی ٣٧ ساڵیدا لە نەخۆشخانەی ھیوا لە شاری سلێمانی کۆچی دوایی کرد.[٣][١٠]
سەرچاوەکان
[دەستکاری]- 1 2 3 4 5 6 7 «سۆلاڤ شەیدا دوای ململانێ لەگەڵ شێرپەنجە کۆچی دواییکرد». Zoom News. لە ١٢ی حوزەیرانی ٢٠٢٥ ھێنراوە.
- 1 2 3 4 5 6 7 8 9 10 11 12 13 14 15 16 17 18 19 20 «سۆلاڤ هەمیشە رۆڵە سەختەكان بەرجەستە دەكات». Harem News. لە ١٢ی حوزەیرانی ٢٠٢٥ ھێنراوە.
- 1 2 3 4 «سۆلاڤ شەیدا بە شێرپەنجە كۆچی دوایی كرد». Wishe. لە ١٢ی حوزەیرانی ٢٠٢٥ ھێنراوە.
- ↑ «هونەرمەندێكی دیار بە نەخۆشی كۆچی دوایی كرد». Spee Media. لە ١٢ی حوزەیرانی ٢٠٢٥ ھێنراوە.
- ↑ «هونەرمەند سۆلاڤ شەیدا کۆچی دواییکرد». Esta. لە ڕەسەنەکە لە ١٧ی تەممووزی ٢٠٢٣ ئەرشیڤ کراوە. لە ١٢ی حوزەیرانی ٢٠٢٥ ھێنراوە.
- ↑ «هونەرمەندێكی كورد باری تەندروستی ناجێگیرە». Wishe. لە ١٢ی حوزەیرانی ٢٠٢٥ ھێنراوە.
- ↑ «سۆلاڤ شەیدا، چالاکوان و ئەکتەر بەهۆی شێرپەنجەوە کۆچی دوایی کرد». JINHA. لە ١٢ی حوزەیرانی ٢٠٢٥ ھێنراوە.
- 1 2 «هونهرمهند خاتوو (سۆلاڤ شهیدا) كۆچی دوایی كرد». Kurdistan TV. لە ١٢ی حوزەیرانی ٢٠٢٥ ھێنراوە.
- ↑ «بهوێنه.. خانمه هونهرمهند سۆلاڤ شهیدا توشی شێرپهنجه بووه». Westga News. لە ١٢ی حوزەیرانی ٢٠٢٥ ھێنراوە.
- 1 2 «هونەرمەند سۆلاڤ شەیدا گیانی لەدەست دا». 964 Media. لە ١٢ی حوزەیرانی ٢٠٢٥ ھێنراوە.
- ↑ «خانمه هونهرمهند سۆلاڤ شهیدا كۆچی دوایكرد». Westga News. لە ١٢ی حوزەیرانی ٢٠٢٥ ھێنراوە.
