ساردکردنەوە بە ئاو

لە ئینسایکڵۆپیدیای ئازادی ویکیپیدیاوە
Jump to navigation Jump to search
KKP Auslauf.jpg

ساردکردنەوە بە ئاو ڕێگەیەکە بۆ لابردنی گەرمی لە پێکھاتەکان یان کەلووپەلی پیشەسازی. ئاو لەوانەیە شلەیەکی باش بێت بۆ گواستنەوەی گەرمی کە سارکردنەوە بە ھەوا کاریگەری کەمترە. لە زۆربەی کەش و ھەوایە سنوور دارکراوەکان ئاو دەبێتە شلەیەکی گەیەنەری گەرمی باش و لەگەڵ ھەلی ساردکرنەوە بە بەھەڵم بوون. کەمی تێچوەکەی دەبێتە ھۆی بەفیڕۆدانی دوای یەک جار بەکارھێنان بەڵام دووبارە بەکارھێنانەوەی ئاو وەک ساردکەرەوە دەبێتە ھۆی کەمتر بەھەڵم بوون و پاکی ھێڵەکانی گواستنەوەی ئاوەکە. بە کارھێنانەوەی ئەو ساردکەرەوەیەی کەوا پەستانی لەسەر نییە لە ڕێگەی بە ھەڵم بونەوە پێوستی بە پاڵەپەستۆ ھەیە بۆ لابردنی پاشەڕۆکان کە کۆبۆتەوە بەھۆی بە ھەڵم بوونەوە. لە زیانەکانی سارکردنەوە بە ئاو دەبێتە ھۆی زیادبوونی داخوران و پێوستی چاککردنەوە بۆ ڕێگەگرتن لە کەمبوونەوەی گەرمی گۆڕکێ بە ھۆی قەوزە یان کلس کردن لە بۆریەکانی گواستنەوەی ئاو. بەکارھێنانی ماددە کیمیاییەکان بۆ کەم کردنەوە ئەم زیانانە لەوانەیە پاشەڕۆیەکی ئاوی ژەھراوی دروست بکات. ساردکرنەوە بە ئاو بەکاردەھێنرێ بۆ بزوێنەری ئۆتۆمبێل وە ئامێرە پیشەسازیە گەورەکان وەک وێستگەی ناوەکی و وێستگەی بەرھەم ھێنانی کارەبا لە ڕێگەی ھەڵمەوە ھەروەھا بەرھەم ھێنانی کارەبا لە ڕێگەی ئاوەوە و پاڵاوگە سوتەمەنییەکان و وێستگە کیمیایەکان.[١]

بزوێنەری سوتانی ناوەکی[دەستکاری]

ئەو ئاوەی کە دەوروبەری بزوێنەرێکی داوە زۆر كاريگەرە لە لەناوبردنی ژاوەژاوى ميكانيكى،کە بزوێنەرەکە بێدەنگتر دەكات.

Moore-single-cylinder-gasoline-engine.jpg

سیستەمی ساردکرنەوەئاوی کراوە کاردەکات بە ساردکنەوە بە بەھەڵم بوون کەمکردنەوەی پلەی گەرمی ئەو ئاوەی کە ماوەتەوە ئەم ڕێگەیە لە ڕابردوودا زۆر باو بوو بۆ ساردکنەوەی بزوێنەر ھەتا ئەو کاتەی کە ھەستیان کرد بە دروسبوونی کلس بە ھۆی خوی و ماددە کانزاییەکانی ناو ئاوەکە. سیستەمی ساردکرنەوەی کراوەی تازە ڕێژەیەک لە ئاوەکە دووبارە بەکاردەھێنێتەوە بە پەستانێکی بەرز بۆ داماڵینی کلس و پیسی.

پەستان خستنە سەر[دەستکاری]

سارکردنەوە بە ئاو پلەی كوڵانیشی ھەیە لە دەوروبەری ١٠٠ پلە سەدی لە پەستانی ھەوای ئاسایی. ئەو بزوێنەرانەی کە کاردەکەن لە پلەیەکی گەرميى بەرزدا پێویستیان بە پەستان ھەیە بۆ دووبارە سوڕانەوەی ئاوەکە بەناویدا بۆ ڕێگە گرتن لە زیاد گەرمبوون. سیستەمی ساردکردنەوەی ئۆتۆمبێلی تازە کاردەکات لە پەستانی ١٥ psi (١٠٣ kPa) بۆ بەرزکردنەوەی پلەی کوڵانی شلەی ساردکەرەوەو کەم کردنەوەی بە ھەڵم بوون.[٢]

دژە بەستن[دەستکاری]

بەكارهێنانى ساردبوونەوە بە ئاو مەترسيى خراپ بوون بە ھۆی بەستنەوە دروست دەکات. ئۆتۆمبێل و زۆر بزوێنەری ديكە پێوستی بە تێکەڵەی ئاو و دژەبەستن ھەیە بۆ نزم کردنەوەی پلەی بەستن. دژە بەستن دەبێتە ھۆی داخوران و بەرز کردنەوەی پلەی کوڵان کە مەودای پلەی گەرمی ئاوەکە زیاد دەکات ھەروەھا توانای لێچوون لە بۆریەکاندا زیاد دەکات. ئەم شلە ساردکەرەوەیە دەتوانرێ بەکاربھێنرێ بۆ گەرم کردنی ئۆتۆمبێل.[٢]

سەرچاوەکان[دەستکاری]

  1. ^ U.S. Environmental Protection Agency (EPA). (1997). Profile of the Fossil Fuel Electric Power Generation Industry (Report). Washington, D.C.  Document No. EPA/310-R-97-007. p. 79.
  2. ^ ی ا Nice، Karim (2000-11-22). "How Car Cooling Systems Work". HowStuffWorks. HowStuffWorks, Inc. لە ڕێکەوتی ٢٠ی ئابی ٢٠١٢ ھێنراوە.