دیالێکتیک
دیالێکتیک شێوازێکی وتووێژە کە لەو دا گرفتەکان بە شێوازێکی تایبەت چارەسەر دەکرێن. وشەی دیالێکتیک لە سەردەمی یۆنانی کۆنەوە ھاتووە، ئەم وشە لە لایێن ئەفلاتوونەوە (پلاتۆن) لە کتێبی وتووێژەکانی سوقرات دا ھاتووەتە ناساندن بە کۆمەڵگای مرۆڤ. لە شێوازی دیالێکتیک دا، وتووێژێک لە نێوان دوو یان چەند کەس دایە کە ھەر کام لەوان خاونی بیرووڕای جیاوازن سەبارەت بە یەک شتی تایبەت کە ھەر ئەم کەسانە دەخوازن کە ڕاستی کێشەکە بە وتووێژ دەر بخەن. لە دیالێکت دا مەبەستی بەشداربووان ئەوە نیە کە ڕای یەکتر بگۆڕن بەڵکوو دەیانەوێت پێکەوە ڕاستی دەر بخەن و شیاو و خاوێن تری بکەن.
