دۆزەخ (ڕۆمان)

لە ئینسایکڵۆپیدیای ئازادی ویکیپیدیاوە
Jump to navigation Jump to search
چاپی یەکەمی ئینگلیزی

دۆزەخ (بە ئیتاڵی: Inferno) ڕۆمانێکە لە جۆری نهێنی ئامێز - هەستبزوێن لە نووسینی ڕۆماننووسی ئەمەریکی دان بڕاونـە کە لە ساڵی ٢٠١٣ بڵاوکراوەتەوە لەلایەن ناوەندی Doubleday. چوارەم ڕۆمانە لە زنجیرەی ڕۆبەرت لانگدن دوای (فریشتەکان و ئەهریمەنەکان، کۆدی داڤینشی، هێمای ونبوو).

چیڕۆکی ڕۆمانەکە[دەستکاری]

ڕۆبەرت لانگدن، پڕۆفیسۆری بواری هێماناسی لە زانکۆی ھارڤارد خۆی لە نەخۆشخانەیەک دەبینێتەوە لەگەڵ ئازاری سەری و نەبوونی هیچ بیرەوەرییەکی چەند ڕۆژی ڕابردوو. کۆتا شت کە بیری بێ پیاسە کردنە لە نێو زانکۆی ھارڤارد، بەڵام ئەوەی بۆ دەردەکەوێ کە ئێستا ئەو لە فلۆرەنسە، لە ئیتاڵیا. دوای بینینی دکتۆرەکەی بە ناوی سییەنیا برووکس، لەلایەن ئافرەتێکەوە بە ناوی ڤایەنتها هێرشیان دەکرێتە سەر و ڕۆبەرتیش لەگەڵ دکتۆرەکەی ڕادەکەن و کار لەسەر ئەوە دەکەن و ئەوە دەدۆزنەوە کە لەو ڕۆژانەی ڕابردوو چی ڕوویداوە و کێ و بۆچی دەیهەوێ ڕۆبەرت بکوژێ. ئیدی لەڕێی هەڵهێنانی مەتەڵ و کۆدی شیعرەکەی کۆمیدیای خودایی دانتێ  و هەندێ تابلۆی هونەرمەندە  ناودارەکانی ڕێنیسانس، سەرەداوەکانی گرێی ڕۆمانەکەی هەڵدەوێزنێ و تا لەدواییدا بەتەواوی دەیکاتەوە.

فیلم[دەستکاری]

کۆمپانیای Sony Pictures Entertainment بڕیاریدا فیلمێک دەربهێنێ بە چیڕۆکی وەرگیراو لە ڕۆمانەکە و بە هەمان ناوی ڕۆمانەکە، کە فیلمەکە لە ١٤ی تشرینی یەکەمی ٢٠١٦ دەربچێ لە نواندنی تۆم هانکس و لە دەرهێنانی ڕۆن هاوارد.

زمانە وەرگێڕدراوەکان[دەستکاری]

زمانی کوردی[دەستکاری]

ڕۆمانی دۆزەخ لە کۆتاییەکانی ساڵی ٢٠١٥ و لەسەر دەستی وەرگێڕ شەفیقی حاجی خدر و لە ژێر ناونیشانی دۆزەخ (ئینفێرنۆ) بڵاوکرایەوە

بەرگی چاپی کوردی

سەرچاوەکان[دەستکاری]