داخوران

لە ئینسایکڵۆپیدیای ئازادی ویکیپیدیاوە
Jump to navigation Jump to search
ژەنگ یەکێک کە بە ھۆی داخورانەوە دروست بوە

داخوران یا ژەنگ (بە ئینگلیزی: Corrosion) کردەیەکی کارۆ-کیمیاییە کە لە کانزاکان ڕوو دەدەت. بەھەمان شێوە داخوران لە ماددە سێرامیکییەکان وپۆلیمەریش ڕوو دەدات بەڵام بە ناونیشانیشی بوونەوە (degradition). لە داخوران دا ماددەکە ڕوبەڕوی گیراوەیەکی ئەسیدی دەبێتەوە کە پێی دەگوترێ ئەلێکتڕۆلیت. لە ئەنجامدا گەردیلەکانی ڕوی مادەکە ئەێکتڕۆن لەدەست دەدەن و لە شێوەی ئایۆنی موجەب دەکەونە ناو گیراوەکە، بەم ھۆیەشەوە مادە کانزاییەکە پێی دەگوترێ ئەلێکتڕۆدی ئانۆد(anodic-electrode). ئەلێکتڕۆنە لەدەستدراوەکانی گەردیلەی مادە کانزاییەکە لە لایەن بەشێک لە گەردیلە یا گەردەکانی گیراوەکە وەردەگیرێت، ئەم پڕۆسەیە پێی دەگوترێ زیندوو بونەوە (reduction) کە لە ئەنجامدا گەردێکی O2 شی دەبێتەوە بۆ گەردیلەی O وە دەبێتە ھۆی دروست بوونی بڵقی بچوک لە ناوگیراوەکە. لە لایەکیتر، دەشێ مادە کانزاییەکە لەگەڵ ھەریەک لە ئۆکسجین، نایترۆجین و کاربۆن کارلێکی کیمیایی بکات و لەئەنجامدا ڕوپۆشێکی تەنک (ژەنگ) دروست دەبێت کە پاش فەترەیەک بەرگری دەکات لە داخورانی زیادتری ماددەکە. ناسراوترینیان ژەنگی ئاسنە کە زۆرجار بۆ پاراستنی ئەو کەلوپەلەی لە ئاسن دروست دەکرێن دژە ژەنگ بۆ ڕووپۆشکردنیان بەکار دێنن.

سەرچاوەکان[دەستکاری]