جێریکان

لە ئینسایکڵۆپیدیای ئازادی ویکیپیدیاوە
Jump to navigation Jump to search
نموونەیەکی جێریکان - ٢٠ لیتر

جێریجان (بە ئینگلیزی: Jerrycan) لە ناوخۆشدا بە جلیکان ناودەبرێت، لە ھەندێک زمانی تردا پێی دەڵێن بیدۆن؛ جێریکان کۆنتەینەرێکی کانزاییە (ستیل) بەکاردێت بۆ ھەڵگرتن و گواستنەوەی شلە سووتەمەنیەکان، کە توانای ھەڵگرتنی ٢٠ لیتری ھەیە.

جێریکان لە ساڵی ١٩٣٠ لە ئەڵمانیا دیزاین کراوە بۆ بواری سەربازی بۆ ھەڵگرتن و گواستنەوەی سووتەمەنی. لەمڕۆدا گەشە بە دیزاینەکەی دراوەو کە ھەندێکجار لە پلاستتک دروست دەکرێن و بۆ ھەڵگرتنی ئاو و سووتەمەنی بەکاردێن . جێریکان بە چەند رەنگێک بەرھەم دەھێنرێت ئەویش بۆی جیاکردنەوەی ئاو و شلە سووتەمەنیەکانە لەیەکتری بە تایبەتی لە کاتی ھەڵگرتنی چەند سووتەمەنیەکی جیا بەیەکەوە.[١]

مێژوو[دەستکاری]

جێریکان مێژوویەکی سەرنجراکێشی ھەیە بەوەی کە لە ئەڵمانیا دیزاین کرا بەڵام دواتر بە ئەندازیاری گەڕانەوە، کۆپیکردن و دەسکاری کردنێکی بچووک لەلایەن ھاوپەیمانانی جەنگی جیھانی دووەمەوە بەکارھێنرا.

ووشەی جێریکان لە جێری و کان ەوە ھاتووە، کە جێری نازناوێکی ئەڵمانیە لە جەنگی جیھانی دووەم بەکار دەھات و کانیش واتە قوتوی ھەڵگرتن.

بەکارھێنانی سەردەمیانە[دەستکاری]

One hand on the middle handle on top of the can
ھەڵگرتن بە یەک کەس
One hand on each of handles on both sides of the can
ھەڵگرتن بە دووکەس
چۆنیەتی ھەڵگرتنی جێریکان

جێریکانی ئەڵمانی/بەریتانی ھەتاوەکو ئەمڕۆش وەک سانداردێکی ھەڵگرتن و گواستنەوەی سووتەمەنی دادەنرێت لە سوپای ووڵاتانی ناتۆدا.

لە ساڵی ١٩٧٠ دیزاینەرێکی فینلاندی ھەستا بە درووستکردنی جێریکانێکی پلاستیکی پتەو کە سەرقاپێکی برغووی (screw) لە سەرەکەی ھەبوو و کێشیشی کەمتربوو، ئەمەش وایکرد لەناو سوپای فینلاند بەکاربھێنرێت و بە زوویش لە بازاریش بڵاوببێتەوە.

ڕەنگ[دەستکاری]

[٢]ھەر یەک لە ڕەنگەکانی جێریکان مانایەکی ھەیە:

سور: بەکاردێت بۆ بەنزین

زەرد یان زەیتوونی: بەکاردێت بۆ دیزڵ

شین: بەکاردێت بۆ کیرۆسین

شینی کاڵ: بەکاردێت بۆ ئاو

ڕەش: بەکاردێت بۆ نەوت Crude

سەرچاوەکان[دەستکاری]

  1. ^ "ویکیپیدیای ئینگلیزی". 
  2. ^ "پرۆ کیوپ".