جووتبوون (ئەندازە)

دوو شێوەی لای چەپ جووتن، بەڵام لەگەڵ شێوەی سێھەم لە یەک ئەچن شێوەی چوارەم لەگەڵ شێوەکانی تر جووت نییە و پێکھاتەیەکی جیاوازی ھەیە.

لە ئەندازەدا دوو شێوەی ھەمان پێکھاتە و ھەمان پێوانەیان ھەیە، پێیان دەڵێن دوو شێوەی جووت . ھەموو شێوە جووتبووەکان لە یەک ئەچن بەڵام دەشێ دوو یان چەند شێوەی لێکچوو جووت بن یان جووت نەبن. بە ھێماکانی بیرکاری جووتبوونی دوو سێگۆشە وەکوو سێگۆشەی ABC و DEF بەم شێوە $\triangle \mathrm {ABC} \cong \triangle \mathrm {DEF}$ دەردەبڕن.

بارەکانی جووتبوونی سێگۆشەکان

1. جووتبوون بە سێ لا( لا لا لا): ئەگەر سێ لای سێگۆشەیەک، جووت بن لەگەڵ سێ لای سێگۆشەیەکی تر، ئەوا دوو سێگۆشەکە جووت دەبن.
2. جووتبوونی لا-گۆشە-لا(لا گ لا): ئەگەر دوو لا و گۆشەیەکی نێوانیان لە سێگۆشەیەکدا جووت بن لەگەڵ دوو لا و گۆشەیەکی نێوانیان لە سێگۆشەیەکی تردا، ئەوا دوو سێگۆشەکە جووت دەبن.
3. جووتبوونی گۆشە-لا-گۆشە(گ لا گ): ئەگەر دوو گۆشە و لایەکی نێونیان لە سێگۆشەیەک جووت بن لەگەڵ دوو گۆشە و لایەکی نێوانیان لە سێگۆشەیەکی تردا، ئەوا دوو سێگۆشەکە جووت دەبن.

لە سێگۆشەی وەستاودا سەرەڕای ئەم سێ شێوە لەم دوو حاڵەتەدا دوو سێگۆشەی وەستاو جووت دەبن:

• جووتبوون بە ژێ و لایەک( ژ لا): ئەگەر ژێ و لایەک لە سێگۆشەیەکی وەستاو جووت بن لەگەڵ ژێ و لایەک لە سێگۆشەیەکی وەستاوی تر، ئەوا دوو سێگۆشەکە جووت دەبن.
• جووتبوون بە ژێ و گۆشەیەکی تیژ(ژ گ): ئەگەر ژێ و گۆشەیەکی تیژ لە سێگۆشەیەکی وەستاو جووت بن لەگەڵ ژێ و گۆشەیەکی تیژ لە سێگۆشەیەکی وەستاوی تردا، ئەوا دوو سێگۆشەکە جووت دەبن.