لە ئینسایکڵۆپیدیای ئازادی ویکیپیدیاوە
ترۆزی یان تەرۆزی (بە ئینگلیزی: Armenian cucumber) مێوەیەکی درێژ و باریکە کە تامی لە خەیار دەچێت، بەڵام لە ڕووی زانستییەوە سەربە بنەماڵەی کاڵەکەکانە (جۆری Cucumis melo). مێوەکەی بە بچووکی تامی خەیار دەدات، بەڵام لەکاتی پێگەییندا تامێکی ترش و شیرین دەگرێت. بەو ترۆزییە گەییوە دەوترێت کالیار.[١] بەرھەمێکی وەرزییە ھاوینان پێدەگات داواکاری زۆری لە سەرە لە وەرزی پێگەیشتنی دا، شێوە و قەبارەی جیاوازی ھەیە و بەگشتی ڕەنگی سەوزە لە کوردستان و زۆربەی وڵاتانی جیھانی بوونی ھەیە لە دروست کردنی ترشیات و زەڵاتە سودی لێ وەردەگیرێت. ھەروەھا بڕێک خەڵک وەک میوە بە ترش و خوێوە دەیخۆن. ترۆزی یەکێکە لەو بەرھەمانەی چەندین سوودی تەندروستیی ھەیە بۆ مرۆڤ ئەمەش بەھۆی بوونی ئەو پێکھاتانەی لە ناویدا ھەیە.[٢][٣][٤]
 |
کۆمنزی ویکیمیدیا، میدیای پەیوەندیدار بە ترۆزی تێدایە. |
