بۆنە خۆشەکەی سەرکەوتن

بۆنە خۆشەکەی سەرکەوتن
پۆستەری فیلم
دەرھێنەر	ئەلێکساندەر ماکێندریک
بەرھەمھێنەر	جەیمز ھیڵ
شانۆنامە	کلیفرد ئۆدێتس ئێرنست لێمان ئەلێکساندەر ماکێندریک
ئەکتەران	بەرت لانکستەر تۆنی کەرتیس سوزن ھاریسن مارتین میڵنەر سام لیڤین باربەرا نیکڵس جێف دۆنیڵ چیکۆ ھامیڵتن
مۆسیقا	ئێلمەر بێرنستاین
وێنەگری سینەمایی	جەیمز وۆنگ ھاو
مۆنتاژ	ئالان کرۆسلاند جر.
کۆمپانیای بەرھەمھێنەر	بەرھەمھێنانەکانی ھێکت-ھیڵ-لانکستەر بەرھەمھێنانەکانی نۆرما بەرھەمھێنانەکانی کەرتلی
بڵاوکردنەوە	یوونایتد ئارتیستس
دەرچوون	٢٧ی حوزەیرانی ١٩٥٧ (1957-06-27) (نیویۆڕک) ٤ی تەممووزی ١٩٥٧ (1957-07-04) (ویلایەتە یەکگرتووەکانی ئەمریکا)
ماوەی فیلم	٩٦ خوولەک
وڵات	ویلایەتە یەکگرتووەکانی ئەمریکا
زمان	ئینگلیزی
تێچوون	$٣٫٤ ملیۆن یان $٢ ملیۆن
داھات	$٢٫٢٥ ملیۆن (ئەمریکی)

بۆنە خۆشەکەی سەرکەوتن فیلمێکی ئەمریکی ساڵی ١٩٥٧یە لە چەشنی نوار و درامیدا. فیلمەکە لە دەرھێنانی ئەلێکساندەر ماکێندریکە. بەرت لانکستەر، تۆنی کەرتس، سوزەن ھاریسن، و مارتن میلنەر تێیدا ڕۆڵ دەگێڕن. فیلمەکە لە نووسینی کلیفرد ئۆدێتس، ئێرنست لێمان و ئەلێکساندەرە کە سوودی لە کورتە ڕۆمانەکەی ئێرنست وەرگرتووە. وێنەگرتنی سینەمایی لە شاری نیویۆرکەوە لەلایەن جەیمز وۆنگ ھاو بەڕێوەچوو. فیلمەکە لەلایەن جەیمز ھیڵەوە بەرھەمھێنراوە و کۆمپانیای یوونایتد ئارتیستس بڵاوی کردووەتەوە. کاستی فیلمەکە ھەروەھا سام لیڤین، باربارا نیکۆڵز، جۆو فریسکۆ، ئێدس ئاتواتەر، دەیڤد وایت و ئێمیلی مایەر لەخۆدەگرێت. مۆسیقای فیلمەکە لەلایەن ئێڵمەر بێرنستاین بەرھەمھێنراوە و ھەریەک لە چیکۆ ھامڵتن کوینتێت و ماری گرانت ڕۆڵی دوو ژەنیاری جاز لە فیلمەکەدا دەبینن.

چیرۆکی فیلمەکە دەربارەی ستووننووسێکی ڕۆژنامەوانی گەندەڵە بە ناوی جەی. جەی. ھەنسەکەر (بەرت لانکستەر ڕۆڵی کەسایەتییەکە دەگێڕێت) کە بەیارمەتی چەند کەسێک دەیەوێت پەیوەندی نێوان خوشکەکەی و پیاوێک تێکبدات کە بە شایەنی خوشکەکەی نازانێت.

ھەرچەندە لە کاتی بڵاوبوونەوەیدا فیلمەکە پێشوازیێکی باشی بۆ نەڕەخسا، بەڵام لە ساڵانی ڕابردوودا فیلمەکە بەھایەکی گەورەتری بەخۆیەوە بینیوە. ڕەخنەگران زۆر جار بە یەکێک لە نایابترین فیلمەکان ناوی دەبەن، بەتایبەت بەھۆی سیناریۆ و وێنەگرییەکەی.