برینە
برینە Bryne | |
|---|---|
 دیمەنی ڕووبارێک لە ناوەندی شارۆچکەی برینە | |
| پۆتانەکان: 58°44′07″N 5°38′52″E / 58.7354°N 5.6477°Eپۆتانەکان: 58°44′07″N 5°38′52″E / 58.7354°N 5.6477°E | |
| ڕووبەر | |
| • سەرجەم | ٥٫٦٥ کیلۆمەتری چوارگۆشە (٢٫١٨ میلی چوارگۆشە) |
| بەرزایی | ٣٠ مەتر (١٠٠ پێ) |
| ژمارەی دانیشتووان (2021)[٣] | |
| • سەرجەم | ١٢٬٤٦٥ |
| • چڕی | ٢٬٢٠٦ کەس لە کیلۆمەتری چوارگۆشە (٥٬٧١٠ کەس لە میلی چوارگۆشە) |
| سەرناوی دانیشتوو | Brynebu برینەیی‌یەکان |
| ناوچەی کاتی | UTC+01:00 (CET) |
| • ھاوین (DST) | UTC+02:00 (CEST) |
| کۆدی پۆستی | 4340 Bryne |
برینە شارۆچکەیەکە لە شارەوانی تیمە لە ناوچەی ڕۆگالاند لە نوروێژ. شارۆچکەکە ناوەندی کارگێڕیی ''شارەوانیی تیمە''یە و هەروەها یەکێکە لە 50 گەورەترین شارۆچکە/شاری نوروێژ. برینە لە ناوچەی ستاڤانگێر/ساندنێس و پەیوەندییە ڕێگاوبان و شەمەندەفەرەکانیەوە وایکردووە برینە ببێتە ناوچەیەکی بەناوبانگی گەشتیاری. شارۆچکەکە بە خێرایی فراوان دەبێت و ڕاپۆرتەکان باس لەوە دەکەن کە کێشە لە توانای خوێندندا هەیە. کڵێسای برینە دەکەوێتە ناوەندی شارۆچکەکە و کڵێسای تیمە دەکەوێتە یەک کیلۆمەتریی ڕۆژهەڵاتی شارۆچکەکە . [٤]
برینە دەکەوێتە کەنارەکانی باشووری دەریاچەی فرۆیلاندسڤاتنێت و نزیکەی 30 خولەک لە باشووری شاری ستاڤانگێرەوە بە شەمەندەفەر دوورە.
مێژوو
[دەستکاری]پێشتر برینە ناوی ''تیمە ستاشوون'' بووە. تیمە ستاشوون وێستگەی ڕێگای ئاسنی نێوان دوو شاری ستاڤانگەر و ئێگەرسووند بووە، هەر وەک ئێستاش کە هەیە. گوندی برینە ستاشوون یەکێک لەو گوندانە بووە کە بۆ یەکەم جار خزمەتگوزاریی ڕێگای ئاسن و هێڵی چیمان (شەمەندەفەر)ی لە ساڵی ١٨٧٨ بۆ تەواو کراوە.
بازاڕکردن
[دەستکاری]برینە سێ مۆڵی گەورەی بازارکردنی هەیە. ئەوانیش بریتین لە ناوەندی بازار (Torgsenteret) و بازاری برینە (Brynetorget) و ئێم ٤٤ (M 44) کە نوێترین و دووەم گەورەترینە لە ڕۆگالاند . هەروەها شەقامێکی بازارکردنی هەیە بە ناوی شەقامی گەورە (Storgata) کە چەندین دووکانی جلوبەرگ و دووکانی پەرتووک و دووکانی جلوبەرگی وەرزشیی تێدایە.
کولتوور
[دەستکاری]فریتز ڕۆد پارک
[دەستکاری]پارکی فریتز ڕۆد بە فەرمی لە ١ی تشرینی یەکەمی ٢٠٠٤ کرایەوە. کۆمەڵێک پەیکەرە کە لەلایەن پەیکەرتاش فریتز ڕۆدەوە دروستکراوە کە لە شاری برینە لەدایک بووە، دانران. پەیکەرەکان هەموویان لەناو ڕووبارەکەدا و دەوروبەری دانراون کە بەناو پارکەکەدا دەڕوات.
برینە موللە (Bryne Mølle) هۆڵێکی کەونە کە ئێستا بۆ کۆنسێرت و پێشانگای هونەری بەکاردێت. ئەم هۆڵە لە ساڵی ١٩٢٨دا سووتا. بینای ئەمڕۆ مێژووەکەی دەگەڕێتەوە بۆ ساڵی ١٩٢٩. [٥] فێستیڤاڵی ڕانگڵڕۆک فێستیڤاڵێکی ساڵانەی ڕۆکە کە لە ساڵی ٢٠٠٥ەوە لەوێ ڕێکدەخرێت.
تیپی ڕۆک ئۆرکێسترای کایزەرز لە شاری برینە سەری هەڵداوە. دوو دامەزرێنەری گرووپەکە، گۆرانیبێژ یانۆڤە ئۆتەسەن و گیتارژەن گایر زال خەڵکی شاری برینەن.
وەرزش
[دەستکاری]''برینە FK'' ساڵی ١٩٧٦ تا ١٩٨٨ لە خولی نایابی نوروێژ یاری کردووە، و لە ساڵی ٢٠٠٠ تا ٢٠٠٣، ئێستا لە یانە پلە دووەکانی تۆپی پێی نوروێژ یاری دەکات. لە ساڵی ١٩٨٧ تیپەکە جامی تۆپی پێی نیشتمانی بەدەست هێنا و لە ساڵی ٢٠٠١ جارێکی دیکە گەیشتە یاری کۆتایی.
برینە زێدی منداڵیی هێرشبەری بەناوبانگ ''ئەرلینگ هۆلاند''ە, لەوێ گەورە بووە و فێری یاری تۆپی پێ بووە.
ئەمەش ببینە
[دەستکاری]- لیستی شارۆچکە و شارەکانی نەرویج
سەرچاوەکان
[دەستکاری]- ^ «04859: Areal og befolkning i tettsteder (T) 2000 - 2021-PX-Web SSB».
- ^ «Bryne, Time (Rogaland)». yr.no. لە ڕەسەنەکە لە 28 December 2019 ئەرشیڤ کراوە. لە 2020-08-05 ھێنراوە.
{{cite web}}: نرخەکانی ڕێکەوت بپشکنە لە:|archive-date=(یارمەتی) - ^ «Tettsteders befolkning og areal».
- ^ Store norske leksikon. (بە نۆروێژی) https://snl.no/Bryne. لە 25 December 2017 ھێنراوە.
{{cite web}}: نرخەکانی ڕێکەوت بپشکنە لە:|ڕێکەوتی سەردان=(یارمەتی); پارامەتری|title=ونە یانیش واڵایە (یارمەتی) - ^ https://web.archive.org/web/20170624064529/http://www.time.kommune.no/tenester-i-time/kultur-og-fritid/bryne-molle/. لە ڕەسەنەکە لە 24 June 2017 ئەرشیڤ کراوە. لە 25 December 2017 ھێنراوە.
{{cite web}}: نرخەکانی ڕێکەوت بپشکنە لە:|ڕێکەوتی سەردان=و|ڕێکەوتی ئەرشیڤ=(یارمەتی); پارامەتری|title=ونە یانیش واڵایە (یارمەتی)
 |
کۆمنزی ویکیمیدیا، میدیای پەیوەندیدار بە برینە تێدایە. |
