ئاوبارە

لە ویکیپیدیاوە، ئینسایکڵۆپیدیای ئازاد
باز بدە بۆ: ڕێدۆزی، گەڕان
ئاو باره

ئاوبارە یەکێک لە دێکانی بەشی چلچەمەی شاری دیواندەرەیە لە ڕۆژھەڵاتی کوردستان. بە پێی ئاماری سەرژمێری ساڵی ٢٠٠٦، ئەم دێیە پێک ھاتووە لە ٤٤ بنەماڵە و ژمارەی دانیشتوانی ٢٤٤ کەسە.

مێژوی ئەم دێیە دەگەڕێتەوە بۆ نزیکەی ٥٠٠ ساڵ لەمەوپێش. نادرشای ئەفشار لە سەفەرەکەی خۆی دا بۆ دێی مەلانەوای ناوچەی خوڕخوڕە بۆ زیارەت کردنی قورئانی مێژوویی شێخ حەسەنی مەولاناوا لە ئاوبارەوە تێپەڕ بوو.

ئەم دێیە لە ٤٥ کیلۆمەتری شاری دیواندەرە ھەڵکەوتووە و نزیکەی ١٠ کیلۆمەتر لە کێوی چلچەمە دوورە.

ئاوبارە لە پاکێوێک دا ھەڵکەوتووە و چۆمێک لە خوارووی دێکەوە تێپەڕ دەبێت. ئەمبەر و ئەوبەری بە داری چنار و بی پۆشراوە و دیمەنێکی جوانی داوە بەم دێیە.

شیاوی وتنە ئەم دێیە لە مێژەوە جێگەی پێگەیاندنی ھەژمارێکی زۆر لە مامۆستایانی ئایینی ناوچەکە بووە کە ھەندێک لەوان جێگە و پێگەیەکی بەرزیان بە دەست ھێناوە.

ھاوبابەت[دەستکاری]

ئەشکەوتی ئاوبارە

سەرچاوەکان[دەستکاری]