یانەی وەرزشیی هەولێر

لە ویکیپیدیاوە، ئینسایکڵۆپیدیای ئازاد
(ڕەوانەکراوە لە یانەی ھەولێرەوە)
باز بدە بۆ: ڕێدۆزی، گەڕان
هەولێر
ناوی تەواو یانەی وەرزشیی هەولێر
نازناو یانەی پایتەخت، ئەلتڕاس
دامەزراندن ١٩٦٨
یاریگا یاریگای فڕانسۆ هەریری
ڕاهێنەر ئەیوب ئەدیشۆ
خول خولی بژاردەی عێراقی
ماڵپەڕی فەرمی ماڵپەڕی فەرمی
گەورەترین بردنەوە هەولێر ٣-١ قووە جەوییە
گەورەترین دۆڕاندن هەولێر ١-٢ شورتە
گۆڵکەر ئەمجەد ڕازی
جلوبەرگی سەرەکی
جلوبەرگی دووەم


یانەی وەرزشیی ھەولێر (بەئینگلیزی: Erbil Sport Club، یان Erbil SC) یەکێکە لە یانە بەناوبانگەکانی عێراق و کوردستان، دەکەوێتە شاری ھەولێر پایتەختی ھەرێمی کوردستانی عێراق، یانەی ھەولێر لە ساڵی ١٩٦٨ دامەرزاوە کە تیاییدا ھەریەکە لە یارییەکانی تۆپی پێ و تۆپی دەست و تۆپی بالە و بەرزکردنەوەی قورسایی و گۆڕەپان و مەیدان بۆ کوران و کچان و پایسکیلسواری و بادمنتون (ریشە) و پێشوو یاری شەترەنج ئەنجام دەدرێت، یانەی ھەولێر یاریگەیەکی نێودەوڵەتیی ھەیە بە ناوی شەھیدی وەرزشوانانی کوردستان فرانسۆ حەریری و لە ھەمان کاتدا ھۆڵێکی وەرزشیی ھەیە ھەمان ناو لەخۆ دەگرێت و نەخۆشخانەیەکی وەرزشی کە تایبەتە بە چارەسەرکردنی وەرزشوانانی ھەیە. حکوومەتی ھەرێمی کوردستان و پارێزگای ھەولێر لە رووی دارایی و دابینکردنی ھەموو پێداویستیەکان ھەولێر پشتگیرییەکی تەواوی ئەم یانەیە دەکەن. ھەولێر یانەیەکی جەماوەرییە، ھاندەرێکی زۆری ھەیە لە کوردستان، لە ھەموو کاتێکی خۆشی و ناخۆشی پاڵپشتی ئەم یانەیە دەکەن.

دەستکەوتەکان لە تۆپی پێ[دەستکاری]

لە یاری تۆپی پێ یانەی ھەولێر چەندین دەستکەوتی مێژوویی بە دەست ھێناوە.

پێنچ ساڵ پێش ئێستا یانەی ھەولێر لە تۆپی پێ توانی پلەی چوارەم بە دەست بھێنێت و چوار ساڵ پێش ئێستا پلەی سێیەمی بە دەست ھێنا، ھەروەھا ٣ ساڵ لەسەر یەکدی خولی پلە نایابەکانی عێراقی بە دەست ھێنا. ئەمەش دەستکەوتێکی مێژووییە بۆ یانەی ھەولێر، چەندین ئەستێرە لەم یانەیە یارییان کردووە. لە ھەمان کاتدا یانەی ھەولێر یەکەم یانەیە لە مێژووی عێراق گرێبەست لەگەڵ یاریزانی پیشەگەری دەرەوەی وڵات مۆردەکات، دوای ئەوەی گرێبەستی لەگەڵ ھەردوو یاریزان ئیسماعیل بانگۆرا-ی گینی و کامارا-ی سینگالی مۆرکرد.

لەم وەرزەدا ھەوڵ دەدات بۆ جاری چوارەم ببێتە پاڵەوانی خولی عێراق، لە ھەمان کاتدا یانەی ھەولێر ٣ ساڵ پێش ئێستا بەشداری لە پاڵەوانیەتی یانەکانی عەرەبی کرد، بەڵام لە قۆناغی یەکەم چووە دەرەوە و دوو ساڵ پێش ئێستا یانەی ھەولێر نوێنەری عێراق بوو لە پاڵەوانیەتی یانەکانی ئاسیا و وەرزی رابردوو یانەی ھەولێر بەشداری لە پاڵەوانیەتی جامی یەکێتی ئاسیای کرد، بەڵام لە قۆناغی ھەشتەم ماڵئاوایی لەم پاڵەوانیەتیە کرد دوای ئەوەی لە نێو یاریگای خۆی بەرامبەر یانەی کوەیت-ی کوەیتی تووشی دۆڕان ھات، لە وەرزی ٢٠٠٩-٢٠١٠ بەشداری جامی یەکێتیی ئاسیا دەکات ، یانەی هەولێر لەوەرزی ٢٠١١-٢٠١٢ دووبارە خولی نایابی عێراقی بەدەست هێنا کە بەجیاوازیەکی زۆر پێشەوەی ڕیزبەندی گرت

باسکە[دەستکاری]

گۆڕەپان و مەیدان[دەستکاری]

یاری گۆڕەپان و مەیدان یاریزانە پاڵەوانەکانی ئەم یانەیە بوونە ئەستێرەی سەرەکی ھەڵبژاردەی عێراق لە گۆڕەپان و مەیدان بە تایبەتی لە دوایین پاڵەوانیەتی یانەکانی عەرەبی کە لە ئوردن بەڕێوەچوو و ھەروەھا لە پاڵەوانیەتی عەرەبی کە ھەڵبژاردەی عێراق بەشداریی تیایدا کردبوو، کچە زێڕینی یانەی ھەولێر گوڵستان مەحمود توانی دوو ملوانکەی زێڕ بە دەست بھێنێت، ھەروەھا لە پاڵەوانیەتی ئاسیا لە ھۆڵی داخراو کە لە ڤێتنام ئەنجام درا، کچە زێڕینی شاری ھەولێر گوڵستان مەحمود توانی ملوانکەی زیو بە دەست بھێنێت و لە ھەمان کاتدا دوای ٢٥ ساڵ توانی ژمارەی پێوانەیی عێراقی بشکێنێت،

تۆپی دەست[دەستکاری]

بەرزکردنەوەی قوورسایی[دەستکاری]

یانەی ھەولێر لە کاتی دامەزراندنییەوە تا ئێستا لە زۆربەی یارییەکان لە ناوەوە و دەرەوەی کوردستانی عێراق چەندین دەستکەوتی بەدەست ھێناوە، لە یاری بەرزکردنەوەی قورسایی بە تێکڕای مێژوو چەندین ئەستێرەی یانەی ھەولێر لە ھەڵبژاردەکانی عێراق وەرگیراون، لە ھەمان کاتدا یانەی ھەولێر لە چەندین پاڵەوانیەتی نوێنەرایەتی عێراقی کردووە بە تایبەتی لە پاڵەوانیەتی یانەکانی عەرەبی کە لە ئوردن لە ساڵی ٢٠٠٦ ئەنجام درا کاتێک توانیان پلەی سێیەم لەم پاڵەوانیەتیە بە دەست بھێنن و ھەروەھا ئەستێرەی یانەی ھەولێر لە بەرزکردنەوەی قورسایی سوارە محەمەد پیربال پاڵیوارو بوو بۆ بەشداریکردن لە پاڵەوانیەتی ئۆڵۆمپیادی پەکین.

شەتڕەنج[دەستکاری]

لە یاری شەترەنج کە پێشتر یارییەکی سەرەکی بوو لە یانەی ھەولێر، تیایدا نوێنەرایەتیی عێراق کردووە لە چەندین پاڵەوانیەتی عەرەبی و ئاسیایی، لە ساڵی ٢٠٠١ نوێنەری عێراق بوو لە پاڵەوانیەتی عەرەبی بۆ یانەکان کە تیایدا توانیان پلەی دووەم بە دەست بھێنن بە جیاوازی یەک خاڵ لەگەڵ خاوەن پلەی یەکەمی ئەم پاڵەوانیەتیە، لە ھەردوو یاری تۆپی بالە و تۆپی دەست دوای ئەوەی توانیان بۆ چەندین جار خولی عێراق بە دەست بھێنن، لە ھەمان کاتدا بەشدارییان لە پاڵەوانیەتیەکانی عەرەبی و ئاسیایی کردووە.

پایسکیلسواری[دەستکاری]

لە یاریی پایسکیلسواری یانەی ھەولێر چەندین نازناوی بە دەست ھێناوە و چەندین ساڵ پاڵەوانی عێراق و کوردستان بووە و ھەروەھا بەشداریی لە پاڵەوانیەتی یانەکانی عەرەبی کردووە.


دەستەی کاڕگێڕی یانە[دەستکاری]

١- دکتۆر عەبدوڵڵا مەجید سەرۆکی یانە

٢- عەبدولخالق مەسعود جێگری سەرۆک

٣- مەحمود عەزیز سکرتێری یانە

٤- یوسف عزەدین ئەمینداری دارایی

٥- سەفین کانەبی ئەندام

٦- شۆرش عەباس ئەندام

٧- بێجان ئیبراھیم ئەندام

٨- پشتیوان شبیب ئەندام


سەرچاوەکان[دەستکاری]

  • وێکیپیدیای ئنگلیزی

*ماڵپەڕی یانەی وەرزشی ھەولێر