لۆژیک

لۆژیک (لە یۆنانییەوە λογική؛ دەخوێنرێتەوە "لۆگیکی") ھونەر و زانستی بەکارھێنانی ئاوەزە. لۆژیک لە زۆربەی چالاکییە ژیرانەکاندا بەکار دەبردرێ، بەڵام لە پلەی یەکەمدا لە بوارەکانی فەلسەفە، بیرکاری، و زانستی کۆمپیوتەردا تۆژینەوەی لەسەر دەکرێ. لۆژیک ئەو شێوازانەی کە بیانووکان لەوانەیە وەربگرن تاوتوێ دەکا، و وەڵامی ئەوە دەداتەوە کە کام شێوازگەل دەگونجێن و کام شێوازگەل ھەڵەوێژین. دەکرێ بڵێین لۆژیک چەشنێک بیرکردنەوەی ڕەخنەگرانەیە.

لۆژیک سەرەتاکانی لە چەندین ژیاری کەونارا وەکوو ھیندستان، چین، و یۆناندا دەبینێتەوە. بەڵام وەکوو گۆڕەپانێکی زانستی یەکەمجار ئەرەستوو لە فەلسەفەدا دایمەزراند.

زیاتر لۆژیک دەکرێتە دوو بەشەوە، سۆراغکاری و ھەڵھێنجان. یەکەمیان لە نموونەگەلی تایبەتەوە دەگاتە ئەنجامگەلی گشتی (لە تایبەتەوە بۆ گشت دەچێ)، دووھەمیان لە پێناسەکان و بەڵگەنەویستەکانەوە ئەنجامەکان دەکێشێتە دەرەوە (لە گشتەوە بۆ تایبەت دەچێ).

بەستەرە دەرەکییەکان

• لۆژیک و بیرکردنەوەی ڕەخنەیی، فارووق ڕەفیق
• لۆژیکویکی، ویکییەکی دەرەکی (ئینگلیزی)
• پێشەکییەک لەسەر لۆژیکی فەلسەفی (ئینگلیزی)
• لۆژیکی بیرکارانە (ئینگلیزی)