فەلسەفەی سیاسی

لە ویکیپیدیاوە، ئینسایکڵۆپیدیای ئازاد
باز بدە بۆ: ڕێدۆزی، گەڕان

فەلسەفەی سیاسی بریتییە لە تۆژینەوەی مژارگەلێک وەکوو ئازادی، داد، سامان، ماف، یاسا، و جێبەجێبوونی یاسا لەلایەن دەسەڵاتەوە؛ فەلسەفەی سیاسی دەپرسێ:

  • ئەم مژارانە چین؟
  • ئاخۆ پێویستن؟
  • بۆچی پێویستن؟
  • چییە کە حوکمکردن و فەرمانکردن بۆ حکوومەتێک ڕەوا دەکا؟
  • ئەوە چ ماف و ئازادیگەلێکن حکوومەت دەشێ بیانپارێزێ و بۆچی؟
  • حکوومەت دەبێ بە چ شێوەیەک بوونی ھەبێ و بۆچی؟
  • یاسا چییە؟
  • ئەو ئەرکانە چین کە لە گەردنی شارۆمەندانن؟
  • ئاخۆ ئەرکی وا ھەر ھەیە؟
  • و گەلەک پرسیاری تری لەم چەشنە ...

ھەر کام لە قوتابخانە سیاسییەکان، بە ڕێبازی تایبەتی خۆیانەوە ھەوڵی وەڵامدانەوەی ئەم پرسیارانەیان داوە.

فەلسەفەی سیاسی بە واتای گێڕانەوەی مێژووی بیرە سیاسییەکان نییە، بەڵکوو بە واتای بیرکردنەوە لە سیاسەت بە شێوەیەکی فەلسەفییە. فەلسەفەی سیاسی زۆر ناچێتە ناو ناخی حکوومەتێکی تایبەت و خۆی لە شێوازەکانی فەرمانڕەوایی نادا.

سەرچاوە[دەستکاری]

  • ئەحمەد شەبانی، فەرھەنگی زانستی سیاسی، وەشانخانەی زانستگەی کوردستان، ٢٠١٠، لاپەڕەکانی ٢٢٧ و ٢٢٨