فرانز شوبێرت

فرانز شوبێرت
لەدایکبوون	فرانز پیتەر شوبێرت ١ی کانوونی دووەم ١٧٩٧. ئەلسێرگرۆند، ڤێننا، نەمسا
مەرگ	١٩ی تشرینی دووەم ١٨٢٨ ڤێننا
هۆکاری مردن	نەخۆشی پەتای تیفی
نیشتەجێی	ڤێننا
نەتەوە	نەمسایی
ناوەکانی تری	باوکی گۆرانی
پیشە	گۆرانیینووس، وانەبێژی مۆزیکی
ناسراو بە هۆی	گۆرانی، ئاوازدانەر، پیانۆژەن، کەمانچەژەن
یار	کارۆلین

فرانز پیتەر شوبێرت (بەئەڵمانی و ئینگلیزی: Franz Peter Schubert) (لەدایکبووی ٣١ ی کانوونی دووەم ١٧٩٧، ڤێننا - کۆچی دوایی لە ١٩ ی تشرینی دووەم ١٨٢٨، ڤێننا) ئاواز دانەرێکی نەمسایی بوو. گەرچی لەتەمەنی ٣١ ساڵیدا کۆچی دوایی کرد، بەڵام زۆرتر لە ١٠٠٠ پارچەی مۆزیکیی نووسیوە. زۆر کەس کارەکانی بە باشترین پارچە مۆزیکییەکان دادەنێن لە مێژووی مۆزیکدا، ھەروەھا ئاوازەکانی ناسراون بەوەی کە میلۆدییەکی سەرسوڕھێنەری تێدان. زۆر ئاوازدانەر و مۆزیکزانی مەزنی تر لە ڤێننا ژیاون و کاریان کردووە، وەک ھایدن، مۆتزارت، بیتھۆڤن ...ھتد، بەڵام شوبێرت تاکە کەس بوو لەنێوانییاندا کە لەو شارە لەدایکبووبێت. شوبێرت بە دواترین ئاوازدانەرانی چەرخی کلاسیک و سەرەتا ئاوازدانەرانی چەرخی ڕۆمانتیک دادەنرێت.