نووسینی بزماری

نووسینی بزماری
نموونەیەک لە نووسینی بزماری
جۆر	وێنەوشە و بڕگەیی
زمانەکان	ئەکەدی، ئیلامی، ھاتیک، ھیتی، ھوری، لووی، سۆمەری، ئوراتوویی
سەردەمی بەکارھێنان	لە سەدەی ٣٠ پێش زایین تا سەدەی یەکەمی پێش زایین
وەرگیراوە لە	(نووسراوە کۆنەکان) نووسینی بزماری
لێی وەرگیراون	ھیچ وێدەچیت ھەخامەنشی ئیلھامی وەرگرتووە، لەژێر کاریگەری ئوگاریتی.
ISO 15924	Xsux, 020
ئاڕاستە	چەپ بۆ ڕاست
ناسناوی لە یوونیکۆد	Cuneiform
سنووری لە یوونیکۆد	U+12000 to U+123FF (نووسینی بزماری سۆمەری-ئەکەدی) U+12400 to U+1247F (ژمارەکان)
تێبینی: ئەم پەڕە ھێما فۆنەتیکییەکانی IPAی تێدایە.

نووسینی بزماری (بە ئینگلیزی: Cuneiform) بەو چینە لە ڕێنووسانە دەوترێت کە ھێمایەکی وەکوو پواز، یان بزماریان ھەیە. سوومەرییەکان بۆ گەیاندنی مەبەستیان وێنە و ھێماکانیان بەکار دەھێنا و ئەو ھێمایانە بە پێنووسێکی لە قامیش دروستکراو، کە لە ڕووی شێوەوە نووکەکەی لە پوازک دەچوو، لەسەر تاتەقوڕ دەنووسران و پاش وشکبوونەوەی تاتەقوڕەکان ئەم ھێمایانە لە وێنەی بزمار دەردەکەوتن، ھەر بۆیە بەم شێوە نووسینە دەوترێت، نووسینی بزماری. ڕێنووسە بزمارییەکان چەشنگەلێکی جۆراوجۆریان ھەیە کە بۆ نووسینی زمانە جیاوازەکان بەکار دێن. لەو چەشنانەی ڕێنووسی بزماری دەکرێ ئاماژە بکەین بە ڕێنووسی پارسی کۆن، سوومەری، ئەکەدی، ئیلامی، بابلی، ئووگاریتی. ئاڕاستەی ھەموو ڕێنووسە بزمارییەکان کە تا ئێستا کراونەتەوە لە چەپەوە بۆ ڕاست نووسراون. ئەم ڕێنووسە کە ھەندێ کەس بڕوایان وایە کە کۆڵەکەی بیرۆکەییان ھەیە، لە ھەموو وڵاتانی ڕۆژاوای ئاسیا کەڵکی لێ وەرگیراوە. توێژەران، سوومەرییەکان بە داھێنەری نووسینی بزماری دادەنێن.

سەرچاوەکان

• بەشداربووانی ویکیپیدیا، «خط میخی»، ویکیپیدیای فارسی. سەردان لە ١ی تشرینی یەکەمی ٢٠١٨.