فانکشنی گشتگر

فانکشنێکی گشتگر لە بواری $X$ بۆ مەودای $Y$. هۆکاری گشتگربوونی ئەم فانکشنە ئەمەیە کە بۆ هەر $y$ لە کۆمەڵەی مەودا لانیکەم خاڵێکی $x$ لە بواری فانکشنەکەدا هەیە کە پاسادانی $f(x)=y$ دەکات.

بە فانکشنی $f$ لە کۆمەڵەی $A$ بۆ کۆمەڵەی $B$ دەوترێت فانکشنێکی گشتگر (بە ئینگلیزی: Surjective function)، ئەگەر مەوداکەی دانەکانی $B$ بە تەواوی بگرێتەوە.

نموونە

• فانکشنی $f:R\to R$ بە ڕێسای $f(x)=2x+1$ گشتگرە، لەبەر ئەوەی بۆ ھەر ژمارەیەکی ڕاستەقینەی $y$، $x=(y-1)/2$ بوونی ھەیە، کە ھاوکێشەی $f(x)=y$ پاسادان دەکات.
• فانکشنی $g:R\to R$ بە ڕێسای $g(x)=x^{2}\,$، گشتگر نییە لەبەر ئەوەی ھیچ ژمارەیەکی ڕاستەقینە وەک $x$ بوونی نییە کە x² = -۱.

سەرچاوەکان

• بەشداربووانی ویکیپیدیا، «تابع پوشا»، ویکیپیدیای فارسی. سەردان لە ٤ی نیسانی ٢٠١٨.