چەو
چەو یان چەگل (بە ئینگلیزی: Gravel) وردەبەردە کە دەنکەکانی لە خیز گەورترە.[١] لە میکانیکی خۆڵدا چەو بەو خۆڵە دەگوترێت کە درێژایی دەنکەکانی لەنێوان ٢ تا ٦٠ میلیمەترە.[٢] چەو بەزۆری لە گوێی چەم و لای کانییەکاندا و لە کەناری دەریادا بە شێوەی سروشتی دەست دەکەوێت. چەو لەبەرەوەی دەنکەکانی گەورەن و ناوەڕۆکەکەی خۆڵی وردی کەم تێدایە، بە ئاسانی ئاو پێیدا ھاتوچۆ دەکات. واتە بەڕێوەکەریی ھیدرۆلیکیی (بە ئینگلیزی: Hydraulic conductivity) چەو زۆرە و دەکاتە ١ سانتیمەتر لە چرکەدا (cm/s) و زیاتریش.[٣] بۆیە زەخیرەی ئاوی ژێرزەوی زۆر جار لەناو چەودا دەدۆزرێتەوە. چەو لە دروستکردنی زۆر ماددە و کەرەستەدا، وەک کۆنکریت و ڕووی ڕێگە، کەڵکی لێ وەردەگیرێت.
سەرچاوەکان
[دەستکاری]- ↑ «چەو - ھەنبانە بۆرینە». lex.vejin.net (بە کوردی). لە ٥ی کانوونی یەکەمی ٢٠٢٠ ھێنراوە.
- ↑ Craig, Robert F. Craig's soil mechanics. CRC press, 2004.
- ↑ Freeze, R. Allan. (١٩٧٩). Groundwater. Cherry, John A. ,. Englewood Cliffs, N.J.: Prentice-Hall. ژپنک ٠-١٣-٣٦٥٣١٢-٩. OCLC ٤٤٩٣١٥٣.
{{cite book}}: ڕاگرتنی شێوازی سەرچاوەی ١: خاڵبەندیی زیادە (بەستەر)
ویکیمیدیا کامنز میدیای پەیوەندیداری بە چەو تێدایە.