بۆ ناوەڕۆک بازبدە

ویکا

لە ئینسایکڵۆپیدیای ئازادی ویکیپیدیاوە
پێنتاگرام لەناو بازنەیەکدا، نیشانەیەکی زۆرێک لە ویکانەکان بۆ نیشاندانی باوەڕەکەیان بەکاریدەھێنن
ئەم وتارە باس لە ئایین دەکات، سەبارەت بە خەڵکی کۆنی ئینگلتەرا سەیری ویکا (خەڵک) بکە.

ویکا (بە ئینگلیزی: Wicca) بەناوبانگترین ئایینی بتپەرستی نوێیە. لە ساڵی ١٩٥٤ لەلایەن جیراڵد گاردنەرەوە ڕاگەیەندرا و ئێستا لە زۆرێک لە وڵاتانی جیھاندا بوونی ھەیە. جیراڵد گاردنەر بانگتشەی کرد کە ویکا درێژەپێدەری ئایینی جادووییە کە بە نھێنی بۆ سەدان ساڵ بەردەوام بووە، دەگەڕێتەوە بۆ بتپەرستی پێش مەسیحییەت لە ئەورووپا، بۆیە ھەندێکجار بە ویکا ناودەبرێت ئایینی کۆن. ئەم بانگەشانە ناتوانرێت بە شێوەیەکی بابەتییانە پشتڕاست بکرێنەوە و مێژوونووسان گومانیان ھەیە کە ویکا لە قۆناغی دوای بیستەکانی سەدەی ڕابردوودا کۆکرابێتەوە. لەو کاتەوە ویکا دابەش بووە بۆ چەندین نەریت و ئەوانەی کە فێرکارییەکانی گاردنەر بە تەواوی دەپارێزن بە ویکانی گاردنەری وەسف دەکرێن. لەگەڵ تێپەڕبوونی کاتدا ویکا گەواھیدەری گۆڕانکارییەکی گەورەتر بوو بەرەو بانگەشەکردن، دوای ئەوەی نیمچە نھێنی بوو، ھەندێک لە نھێنییەکانی ویکا تا ئێستاش ھەر نھێنین و تەنھا ئەوانە دەیزانن کە لە ڕیزەکانی ویکا وەرگیراون. ڕێبازەکان لە نەریتێکی ویکییەوە بۆ نەریتێکی دیکە جیاوازن، ھەروەھا بەشێک لە ویکانەکان ھەن کە باوەڕیان بە ڕێبازێکی دیاریکراو نییە. ویکا ئایینێکی ناپلەبەندییە و ھەموو کەسێک دەتوانێت پەیڕەوی ویکاکان بکات بەبێ ھیچ بەڵگەیەک لەسەر پەیوەندی بە دامەزراوەی ئایینی ویکانەوە.[١]

سەرچاوەکان[دەستکاری]