نەزۆکی

نەزۆکی (بە ئینگلیزی: Infertility) نەمانی توانای دووگیانبوونە دوای دوو ساڵ لە ژیانی ئاسایی سێکسی بەبێ بەکارھێنانی ھیچ ڕێگرییەک لە دووگیانی بۆ ھەردوو ھاوسەرەکە.

منداڵبوون بە توانای زاوزێکردن واتە توانای زاوزێی مێینە پێناسە دەکرێت و قۆناغەکەی لە ساڵانی پێگەیشتندا دەست پێدەکات لەگەڵ دەستپێکردنی سووڕی مانگانە و دەرکەوتنی تایبەتمەندییە لاوەکییەکانی مێینە و دەستپێکردنی ھێلکەدانەکان بۆ بەرھەمھێنانی ھێلکەی پێگەیشتوو. تێکچوونی توانای منداڵبوون بە نەتوانینی دووگیانبوون بە شێوەیەکی کاتی واتە لە ماوەیەکی دیاریکراودا بە ھەر ھۆکارێک پێناسە دەکرێت و چارەسەریش دەکرێت ئەگەر ھۆکاری ئەم لاوازییە بزانرێت، و ژنەکەش دەتوانێت دوای ئەوە دووگیان بێت بەبێ ھیچ کێشەیەک، بۆیە تێکچوونی توانای منداڵبوون وەک نەزۆکی ڕێژەیی دادەنرێت.سەبارەت بە نەزۆکی، بە نەتوانینی منداڵبوون بە ھیچ شێوەیەک پێناسە دەکرێت، و دۆخێکە کە چارەسەرکردن تێیدا نەتوانراوە، وەک گیرانی بۆرییەکانی منداڵدان لە ئافرەتان یان کەمی تۆو لە پیاواندا.