مەکدۆناڵدز

مەکدۆناڵدس (بە ئینگلیزی: McDonald's) گەورەترین زنجیرە خواردنی خێرای ھەمبەرگەرە لەسەر ئاستی جیھان، نزیکەی ٦٨ میلیۆن کڕیار لە ١١٩ وڵات و ٣٥ ھەزار لقی ھەیە، و لقی سەرەکی لە ویلایەتە یەکگرتووەکانی ئەمەریکایە، کۆمپانیاکە لەساڵی ١٩٤٠ وەک ڕێستوڕانتێکی باربێکیو کرایەوە و سەرپەرشتی دەکرا لەلایەن (ڕیچارد و ماوریس مەکدۆناڵد). لە ساڵی ١٩٤٨دا بەرھەمی ڕێستورانتەکەی کرد بە ھەمبەرگەر. دواتر بزنسمانێک بەناوی (ڕەی کڕۆچ) پەیوەندی بە کۆمپانیاکەوە کرد و کۆمپانیاکەی کردە زنجیرە.

مەکدۆناڵد بەزۆر بەرھەمەکانی (ھەمبەرگەر، چیسبەرگەر، فینگەر، خوارندەوە گازییەکان، میلکشەیک و شیرنەمەنی) پێشکەش بە کڕیارانی دەکات.

کارەکە لە سالی ١٩٤٠ دەستی پێکرد و لەلایەن ھەردوو برا (ڕیچارد و ماوریس مەکدۆناڵد) وە ڕێستورانتەکە لە ویلایەتی کالیفۆڕنیا کرایەوە، لە ساڵی ١٩٨٤دا خزمەتگوزاریی "گەیاندنی خێرا" زیاد کرا بۆ خزمەتگوزارییەکانی مەکدۆناڵدس. یەکەم لۆگۆی مەکدۆناڵد وێنەی چێشتێلێنەرێک بوو کە کڵاوێکی شێوە ھەمبەرگەری لەسەر بوو، دواتر لەساڵی ١٩٦٧، ڕۆناڵد مەکدۆناڵد لۆگۆکەی گۆڕی و کردی بە پیتی "M" ئینگلیزی.

لە ٤ی ئایاری 2013، مەکدۆناڵدس ناوی خرایە نێو ئەو کۆمپانیانەی کە ناوەکەیان پارێزراوە لە دزین.