مەنتەقە
| مەنتەقە | |
|---|---|
 | |
| بەشێکە لە | پشتێنی ڕاوچی، دێڵتا ئۆریۆن کلاستەر، ئۆریۆن ئێکس |
| ئەستێرەبۆشایی | Orion |
| ھاوڕێی | Delta2 Orionis |
| ھەسارەی شوێنکەوتوو | |
| Type of variable star | eclipsing binary star |
| Spectral class | O9.5IINwk |
| Epoch | J2000.0 |
مەنتەقە بە ناوی پێشووی دێلتا ئۆریۆنیس (بە ئینگلیزی: Delta Orionis، ھێمای گەردوونی δ) سیستمێکی ئەستێرەییە لە دەستەی پێکھێنەرانی پشتێنی ڕاوچی، نزیکەی ١٢٠٠ ساڵی ڕووناکی لە خۆر دوورە و چەند سەد جارێک لە خۆر گەورەترە. یەکێکە لە سێ ئەستێرەی سەرەکی پشتێنی ڕاوچی لەگەڵ ھەریەکە لە یەکبوون و پشتوێن، کە بە ناوێکی زۆر لە نێو کولتوورە کۆنەکاندا ناسراوە.[١] مەنتەقە ئەم زاراوەیە کە بە واتای ناوچە دێت و لە ساڵی ٢٠١٦ بە فەرمی لە زانستی گەردوونزانی جێگر کرا.[٢]
مێژوو
[دەستکاری]پێوانەکانی خێرایی تیشکی کە لەلایەن ھێنری ئەلێکساندەرەوە لە ڕووانگەی پاریس بەدەستھێنران، دەریانخست کە مەنتەقە گۆڕاوێکی دوانیی سپێکترۆسکۆپییە. خەمڵاندنی سەرەتایی بۆ خولگەکەی ١.٩٢ ڕۆژ بوو، و ھەڵەی پێوانەکان لە ساڵی ١٩٠٤دا سەلمێندرا کاتێک یۆھانس فرانتس ھارتمان تەختە فۆتۆگرافییەکانی بەکارھێنا کە لە ڕووانگەی پۆتسدام گیرابوون و دەریخست کە خولگە ڕاستەقینەکەی ٥.٧ ڕۆژە. ھەروەھا ھارتمان تێبینیی ئەوەی کرد کە ھێڵی Kی کالسیۆم لەسەر ٣٩٣.٤ نانۆمەتر لە سپێکتریمی ئەستێرەییدا ناچێتە ناو ژمێریارییەکانی جووڵەی خولگەیی ئەستێرەکەوە و دڵنیابوو کە ھەورێک لە ھێڵی بینینی بەرەو ئەستێرەکە ھەیە کە ھەوری کالسیۆمی تێدایە. ئەمە یەکەم دۆزینەوەی ناوەندی نێوان ئەستێرەکان بوو.[٣]
کۆمەڵەی ئەستێرە
[دەستکاری]لە ڕاستیدا، دەبینین کە مەنتەقە کۆمەڵە ئەستێرەیەکە کە بڕی درەوشاوەیی بینراوی ٧ە. لەنێویاندا ئەستێرەیەکی جووتە ھەیە کە وەک زەبەلاحێکی شینی جۆری B پۆلێن دەکرێت و ھاوڕێیەکەی ئەستێرەیەکی بچووکترە بەڵام گەرمترە لێی و وەک ئەستێرەیەکی جۆری O پۆلێن دەکرێت. دوو ئەستێرەکە ھەموو ٥.٧ ڕۆژ جارێک بە دەوری یەکتردا دەخولێنەوە. ھەریەک لەو دوو ئەستێرەیە ٩٠،٠٠٠ جار لە خۆر ڕووناکترە و بارستایی ھەریەکەیان نزیکەی ٢٠ جار لە بارستایی خۆر گەورەترە.
ئەمانەش ببینە
[دەستکاری]سەرچاوەکان
[دەستکاری]بەستەرە دەرەکییەکان
[دەستکاری]
