منوفارسی

لە ئینسایکڵۆپیدیای ئازادی ویکیپیدیاوە
#منوفارسی

منوفارسی ھاشتاگێک بوو بۆ دەربڕینی ناڕەزایەتی کە لە تویتەر بوو بە یەکێک لە ترێندەکانی وڵاتی ئێران لە شوباتی ٢٠٢٢دا. بەکارھێنەرانی تویتەر و دواتر تۆڕە کۆمەڵایەتییەکانی تر ئەم ھاشتاگەیان بەکارھێنا بۆ گێڕانەوەی چەوسانەوەکانیان بە ھۆی زمانی فارسییەوە و ھەروەھا پیشاندانی ناڕەزایەتیی خۆیان بەرامبەر بە نەبوونی خوێندن بە زمانی دایکی و چەوسانەوە بە ھۆی خوێندنی تاکەزمانییەوە کە تەنیا فارسی وەک تەنیا بژاردە پێشکەش دەکات. میدیاکانی ئێران ئەم ھاشتاگەیان بە دەسیسەی وڵاتی ئینگلتەرا دانا.[١][٢]

کاردانەوەکان[دەستکاری]

ئەم ھاشتاگە بوو بە یەکێک لە ترێندەکانی تویتەر لە ئێران. بۆیە چەند میدیای فارسی وەک بی بی سی فارسی، ئێران ئینترنەشناڵ و مەنوتۆ باسیان کرد. ھەروەھا میدیاکانی ناوخۆی ئێران ئەم ھاشتاگەیان بە دەسیسەی وڵاتی ئینگلتەرا دانا.[١][٢] ھاشتاگێکی تر دژ بەم ھاشتاگە دانرا بە ناوی قندپارسی کە داکۆکیی لە فارسی دەکرد، بەڵام ژمارەی تویتەکانی بەقەد منوفارسی نەبوو.

کەسایەتییەکان[دەستکاری]

نووسەری کورد بێھرووز بووچانی ئەم ھاشتاگەی بە یەکێک لە ڕووداوە ھەرە گرنگەکانی مەیدانی فەرھەنگی ئێران دانا.[٣]

سەرچاوەکان[دەستکاری]

  1. ^ ئ ا "توطئه انگلیسی علیه زبان فارسی (+عکس)". www.jamejamonline.ir (بە فارسی). Retrieved 2022-02-05.
  2. ^ ئ ا "هجوم انگلیسی به زبان فارسی!/ واکنش کاربران به راه‌اندازی کارزاری ضدایرانی با هشتگ «منو فارسی» | خبرگزاری فارس". www.farsnews.ir. Retrieved 2022-02-05.
  3. ^ "رنج، تبعیض و تحقیر به زبان مادری؛ هشتگ منو‌فارسی چیست؟". IranWire | خانه (بە فارسی). Retrieved 2022-02-06.